Эцэг эхчүүд хүүхдүүддээ хямдыг нь бодоод хуванцар тоглоом авч өгдөг. Тэгвэл тэдгээр тоглоом хром, хар тугалга, хөнгөн цагаан, цайр зэрэг химийн бодис их хэмжээгээр агуулдаг. Жишээ нь нэг тоглоомонд хром хамгийн их буюу 50 хувь байдаг нь тогтоогдсон.
Нярай хүүхдийн угж, тоглоомонд байдаг нэг төрлийн бодис бол поливинол хлорид буюу PVC гэсэн тэмдэглээгээтэй бодис. Энэ нь хадгалж буй шингэн зүйлийг шүлтлэг болгодог. Мөн хүний биеийн дотоод шүүрлийн эрхтэн системд муугаар нөлөөлдөг байна. PVC нь хүний биед өчүүхэн хэмжээгээр орсон бол цаашаа задарч биеэс гардаггүй, улмаар хуримтлал үүсч, аажмаар хордуулдгаараа онцгой аюултай. Ийм бодис орсон тоглоом хуучрах тусам хорт бодис ихээр ялгардаг. Мөн ходоод гэдэс, амьсгалын замаар биед шингэн, элэг бөөр болон хүүхдийн дархлааны системийг гэмтээж устгадаг.
Олон улсад хийсэн судалгаагаар хүүхдийн тоглоом үйлдвэрлэгчдийн хамгийн том экспортлогч нь БНХАУ. Дэлхийн тоглоомын зах зээлийн 85 хувийг нийлүүлдэг. Манай улсад орж ирж байгаа тоглоомууд ч гэсэн ялгаагүй. Тэдгээр нь тэр бүр шаардлага хангаагүйн дээр урвалд орсон байдаг.
Дэлхийн эрүүл мэндийн байгууллагын судалгаагаар жилд 15-аас доош насны 35 мянган хүүхэд ямар нэгэн байдлаар химийн хорт бодисын нөлөөгөөр амь насаа алдаж байна гэжээ.
Манайд импортоор орж ирж байгаа тоглоомын 98 хувь нь урд хөршийнх. Тоглоомууд дээр шошго, үйлдвэрлэсэн орон байдаг ч ямар найрлагаар бүтсэн, ямар химийн бодис орсон нь байдаггүй. Мөрдөж байгаа эрүүл ахуйн стандарт байдаг ч орц найрлагыг нь шошгон дээр бичих ёстой хэмээн хуульчлаагүй.
Өнөөдөр та бидний хүүхдүүд гоё сайхан тоглоомон дунд өсөвч ирээдүйд ямар өвчтэй байхыг таашгүй. Хямд үнэтэй хэврэг тоглоомын оронд үндэсний өв уламжлалаа хадгалсан тоглоомуудаар тоглуулж хэвшээрэй.
Сэтгэгдэл (0)
Сэтгэгдэл бичигдээгүй байна