2020/10/27
USD 2,811

Гишүүн асан Г.Солтаны ялыг хэвээр үлдээлээ

М.Төгөлдөр
2020/09/23

УИХ-ын гишүүн асан Г.Солтанд холбогдох, эрх мэдэл, албан тушаалаа ашиглаж ЖДҮХС-гаас нэн хөнгөлөлттэй нөхцөлөөр зээл авч, зориулалт бусаар зарцуулсан хэргийг түүний өмгөөлөгч Д.Тунгалаг, Б.Батбаярын гаргасан гомдлын дагуу нийслэлийн Эрүүгийн хэргийн давж заалдах шатны шүүхэд өчигдөр /09.22/ хэлэлцлээ.

Уг хэргийг Баянзүрх дүүргийн Эрүүгийн хэргийн анхан шатны шүүх өнгөрсөн долдугаар сарын 29-нд хэлэлцээд Г.Солтаныг Эрүүгийн хуулийн 22.1-3 дахь хэсэгт заасан “Улс төрд нөлөө бүхий этгээд өөрт болон бусдад эдийн засгийн давуу байдал бий болгосон гэмт хэрэг үйлдэхэд зориуд хүргэж, хатгагчаар хамтран оролцсон” гэм буруутайд тооцсон билээ. Улмаар нийтийн албанд томилогдох эрхийг таван жил хасаж, гурван хорих ял шийтгэсэн юм.

Түүний үүсгэн байгуулсан “Монгол шаазан” ХХК-ны захирлаар хүү С.Ахмед, менежерээр эхнэр Б.Алтанчимэг нь ажилладаг байсан бөгөөд малын тэжээл үйлдвэрлэх төслийн зориулалтаар урт хугацаатай, хөнгөлөлттэй зээл авахын тулд тухайн үеийн Хүнс, хөдөө аж ахуй, хөнгөн үйлдвэрийн яамны харьяа Жижиг дунд үйлдвэрийн хөгжүүлэх сангаас 950 сая төгрөгийн зээл авсан юм.

Ингэхдээ ХХАХҮ-ийн сайд Б.Батзоригт нөлөөлөн, төсөл сонгон шалгаруулах хорооны дарга Д.Энхбат, гишүүн С.Төгсбилэг нарт сайдаар нь хэлүүлж тухайн төслийг шалгаруулах шаардлагатай гэсэн чиглэл өгүүлж зээл олгох шийдвэр гаргуулсан хэрэгт буруутгасан.

Нийслэлийн Эрүүгийн хэргийн давж заалдах шатны шүүх өчигдөр уг хэргийг хэлэлцээд Г.Солтанд оноосон хорих ялыг хэвээр үлдээж, төслийн мөнгө хүүлж олсон 7.5 сая төгрөгийн орлогыг албадан гаргуулан улсын орлого болгохоор шийдвэрлэжээ.

Эх сурвалж:www.polit.mn 


Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.180.183 |   2020/10/03
43 зөвхөн Солтан уу Бусадад нь битгий ял завшууль шоронд хтйх
Хариулах
66.181.180.183 |   2020/10/03
43 ЖДҮ байхад бусад нь яагаад албан тушаал дэвжиж илүү ихйг идэж , Солтан хоригдох гэж дэндүү олон хууль зөрчсөн баяна
Хариулах
66.181.180.183 |   2020/10/03
Солтанд л хорих ял өгөөд бусад ЖДҮ идсэн нөхөд торгуульж бас сайд болоод яваад байх юмаа, шударга бус байна. Ждү авсан зээл нь ч адилхан, хэмжээ нь ч адилхан..үйлдэлд нь ч адилхан ч дээ бүгд нөлөөлсөн хамжигч, давуу эрх эдэлсэн ккккки ийм л шударга бу шүүх шүүгч нар болиочээ.....бага яастан болохоор тэгсэн үү
Хариулах
103.9.90.100 |   2020/09/23
МОНГОЛ БАНКААР ДҮҮРСЭН МӨНГӨ ХҮҮЛЭГЧ НАР ОДОО ХҮРТЭЛ БАЙСААР БАЙГАА ЮМ УУ . ШОРОНД ЯВУУЛААЧ
Хариулах
103.9.90.100 |   2020/09/23
УИХ Д 43 ЖДҮ ЧИН БАЙСАН ШҮҮ ДЭЭ. ЯАХААРАА ЗАРИМ НЬ ШОРОНД ЯВЖ ЗАРИМ НЬ БҮР АЛБАН ТУШААЛ ДЭВШЭЭД ЯВЖ БАЙХ ЁСТОЙ ГЭЖ. ХУУЛЬ АДИЛ ТЭГШ Үйчлэх ёстой .будсыг нь бас шалгаж шоронд суулга. БАС МОНГОЛ БАНК ГЭЖ БӨӨН ББСБ ТАЙ МӨНГӨ ХҮҮЛЭГЧ НАР ШОРОНД СУУХ ЁСТОЙ
Хариулах
124.158.95.138 |   2020/09/23
эдгээр хүмүүсийн хуулийн хэрэг илрүүлэлт ял эдлэх гэж юу юм бэ. худал хуурмаг ял эдлэлт шүү дээ. ард түмэнд бол эсэргээрээ үйлчилдэг хууль байдагт ард түмэн бухимдалттай ханддаг
Хариулах