Л.Оюун-Эрдэнэ: Тагнуулын ерөнхий газрын 11 хүн оролцож над дээр жил гаруй хугацаанд гүйцэтгэх ажиллагаа явуулсан, Д.Гэрэл хариуцлага хүлээх ёстой

ЗГХЭГ-ын дарга, УИХ-ын гишүүн Л.Оюун-Эрдэнэ өөрийг нь тагнаж, чагнасан гэх асуудлаар УИХ-ын тусгай хяналтын хороонд нууцаар өргөдөл өгсөн гэдгээ хэллээ. Тусгай хяналтын хороо өргөдлийг хүлээн авч прокурорын байгууллага руу шилжүүлсэн. Хууль, хяналтын байгууллагаар хянагдаад явж байгаа гэсэн мэдээллийг өгч байна. ТЕГ-ын дарга Д.Гэрэл Эрдэнэтийн 49 хувийн асуудлын процесс өрнөж байхад надад шаардлага хүргүүлдэг байсан. Үүнийг нь миний бие хуулийн хүрээнд ч тэр биелүүлэх боломжгүй юм. Үүнээс болж хэд хэдэн удаа зөрчилдөж байсан. Тиймээс надад болон ойрын хүмүүс дээр минь гүйцэтгэх ажиллагаа явуулсан гэж үзэж өргөдөл өгсөн. Надад байгаа мэдээллээр намайг уулзалтууд хийгээд явж байхад дагасан байж болзошгүй. Тоног төхөөрөмж суурилуулах, хяналтын камерын бичлэг авах гэсэн зэрэг оролдлогууд нь урьдчилсан байдлаар тогтоогдчихсон гэсэн мэдээлэлтэй байгаа гэж мэдээллээ.