Дуучин Э.Төрмандах намрын дунд сарын шинийн 17-ний билэгт сайн өдөр буюу 10 дугаар сарын 03-ны өдөр "Амар амгалангийн үүд" сайн үйлсийн аянг эхлүүлсэн байна. "Амар амгалангийн үүд" сайн үйлсийн аян нийт арван айлыг сонгон авч нийгмийн сайн үйлийг өрнүүлэх юм. Өөдлөх айл үүднээсээ гэдэг утгаар өрхүүддээ монгол гэрийн шонхор хаалга, ариун цэврийн нэг сарын багц хэрэглээг бэлэглэх ажээ. Билэгт сайн өдөр эхлүүлсэн аяны эхний өрх болох Д.Дуламсүрэнд монгол гэрийн шонхор хаалга, ариун цэврийн сарын багц хэрэглээг гардуулан өгсөн бол дуучин Э.Төрмандахын уран бүтээлийн тоглолтыг насан туршдаа үнэ төлбөргүй үзэх эрхийг бэлэглэсэн байна. Сайн үйлс бүхэн дэлгэрэх болтугай.
Сэтгэгдэл (0)
Сэтгэгдэл бичигдээгүй байна