2020/10/25
USD 2,811

Нийтийн эзэмшилд халдаж, барилгын хашаагаа сунгасан аж ахуйн нэгжүүдэд хариуцлага тооцно

М.Төгөлдөр
2020/10/06

Нийслэлийн Засаг даргын захирамжаар зөвшөөрөлгүйгээр газар эзэмшиж  хашаалсан аж ахуйн нэгж, байгууллагуудын хашааг буулгах ажил үргэлжилж буй. Энэ хүрээнд нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан тэргүүтэй албаныхан өнөөдөр Баянгол дүүргийн 4 дүгээр хороонд ажиллаж, нийтийн эзэмшил талбайд дур мэдэн барилгын хашаагаа сунгаж явган хүний зам хаасан асуудлыг шийдвэрлэлээ. Дүүргийн 4 хороо буюу 25 дугаар эмийн сангийн автобусны буудлын эсрэг талд иргэн Ж.Булгантамирын эзэмшилд байдаг барилга нь зөвшөөрөлтэй боловч нийтийн эзэмшил талбайд халдаж, явган хүний зам хаажээ. Нийслэлийн Газар зохион байгуулалтын албанаас барилгын хашааг дотогш татаж, иргэдийн аюулгүй зорчих нөхцлийг бүрдүүлж өгөх шаардлагыг удаа дараа тавьсан боловч одоог хүртэл шаардлагыг биелүүлээгүй байна. 

Мөн 25 дугаар эмийн сангийн автобусны буудлын урд хэсэгт байрлах  “Ази фарм” компани барилгын хашаагаа автобусны буудалд тулгаж, явган хүний зам талбай хаасан зөрчлийг Хот байгуулалт хөгжлийн газраас удаа дараалан сануулж, шаардлага хүргүүлж байжээ. Нийслэлийн Засаг даргын үүрэг гүйцэтгэгч Ж.Батбаясгалан дур мэдэн барилгын хашаагаа сунгасан компаниудад хариуцлага тооцож, яаралтай явган хүний зам талбайг чөлөөлж, иргэдийн аюулгүй зорчих нөхцлийг бүрдүүлэхийг холбогдох албаныханд үүрэг болголоо.

Нийслэлийн ЗДТГ-ын Хэвлэл мэдээлэлтэй харилцах хэлтэс


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
59.153.113.168 |   2020/10/07
Хотын гудамж талбайн тохижолтыг Сүхбаатарын талбайн өмнө байгаа усан ориглууртай хэсгээр хэмжиж болохгүй.Тэр бол үнэндээ дарга нарт л зориулагдсан мэт.Баруун зүүн, урагшаа хойшоо яваад үз.Тэнд чинь л бодит байдал харагдах болно.Эмх цэгцгүй бүхний үүр болж дээ нийслэл маань
Хариулах
202.179.21.245 |   2020/10/06
Яг үнэн. Зүлэг байсан газар зүгээр шороо овоолоод хаячихдаг. 2 жил блсон ч дахиж зүлэг ургахгүй байгаа.
Хариулах
122.201.31.33 |   2020/10/06
ДУЛААНЫ ШУГАМ ЗАСВАРЛАХ НЭРЭЭР ТОХИЖИЛТ ХИЙСЭН ЗАМ ТАЛБАЙН ТОХИЖИЛТЫН ЭВДЧИХЭЭД ЭРГЭЭД ШОРООГООР НЬ ОРХИСОН ГАЗАР ЗӨНДӨӨ БН БГД ИЙН 7 ХОРОО VENUS PHOTO STUDTEI BAIRYAAS AVHUULAAD SHOROOTOI B HUTGAAD HAYSAN
Хариулах
139.5.216.41 |   2020/10/06
Манай Чингэлтэй дүүргийн 6 р хорооны нутаг дэсгэр дээр ирж шалгалт хийж өгөөсөй
Хариулах
122.201.31.220 |   2020/10/06
Сонгууль угтаж хийж байгаа бол дэмий. Ийм хашаа зөндөө байнаа
Хариулах