Нийслэлийн Прокурорын газрын орлогч прокурор Ц.Насанбат олон нийтийн анхаарал татсан хэргүүдийг өнөөдөр танилцуулахдаа УИХ-ын гишүүн А.Адъяасүрэнд холбогдох хэрэг мөрдөн байцаалтын шатанд шалгагдаж байгаа тухай мэдэгдсэн юм. УИХ-ын гишүүн А.Адъяасүрэн нь нүүрс тээврийн “С” зөвшөөрөл авахын тулд “Авто тээврийн газар”-ын нэр бүхий албан тушаалтанд 100 мянган ам.долларын авлига өгсөн хэргээр шалгагдаж, хэргийн мөрдөн шалгах ажиллагаа дуусч, харьяаллын дагуу Нийслэлийн прокурорын газарт хэргийг шилжүүлсэн байна. А.Адъяасүрэн гишүүн ХОМ-тээ жилийн 800 гаруй сая төгрөгийн орлоготой, тэрбум 500 сая төгрөгөөр үнэлэгдэх үл хөдлөх хөрөнгөтэй, 800 сая төгрөгийн хадгаламж, 300 сая төгрөгийн үнэт эдлэлтэй мэдүүлсэн байдаг. Хэргийг хуулийн байгууллага шалгаж байна.
Сэтгэгдэл (0)
Сэтгэгдэл бичигдээгүй байна