2020/10/28
USD 2,811

Сонордуулга: АН сонгуультай холбоотой хууль бус баримт, нотолгоог урамшуулан авна

М.Төгөлдөр
2020/10/14

                                                                                  Сонордуулга

Сүүлийн үед сонгуулийн хуулийг зөрчсөн маш ноцтой үйлдлүүд их гарлаа. Харамсалтай нь сонгуулийн ерөнхий хороо, нийслэлийн сонгуулийн хороо, сонгуулийн хуулийн хэрэгжилтийг хангах хамаарал бүхий байгууллагууд үл тоон, эрх баригчдад үйлчилж байгаа нь илэрхий байна.

Төрийн эрхийг хууль бусаар авах, сонгуулийн саналын хайрцагт гаднаас нөлөөлөх талаар монгол ардын намын нэр дэвшигчид, бүлэг хүмүүстэй наймаалцаж, тохиролцсон явдлыг шүүхээс урьтаж мэргэжлийн байгууллагаар дамжуулан залилангийн хэрэг хэмээн дүгнэлт гаргалаа. Мөн санаатайгаар нэг хаяганд олон сонгогч бүртгэх гэх мэт маш олон зөрчлийг огтхон ч шийдвэрлэхгүй байсаар саналт хураалт явуулах гэж байна.

Ийм учраас ардчилсан намын зүгээс ардчиллын үнэт зүйл болсон сонгох, сонгогдох эрхийг хамгаалах, нутгийн өөрөө удирдах байгууллагыг хууль ёсоор байгуулахад дэмжлэг үзүүлэх зорилгоор дараах сонордуулгыг гаргаж байна.

Сонгогч та  сонгуулийн санал өгөхдөө дараах зүйлийг анхаарна уу.

  • Сонгогч таны саналыг хууль бусаар худалдаж авахыг оролдох
  • Хаягийн зөрчилтэй иргэнээр санал өгүүлэхийг завдах /нэг хаяган дээр үндэслэлгүй олон хүн бүртгэлтэй байх/ 
  • Нас барсан болон гадаадад ажиллаж амьдарч байгаа иргэний өмнөөс санал өгөх
  • Нэг хүн олон дахин санал өгөх

Иргэний үнэмлэхгүй иргэнээр хурууны хээгээр санал өгүүлэх

Сонгуультай холбоотой хууль бус үйл ажиллагаа болон нотолгоонд тулгуурласан баримт өгсөн иргэний мэдээллийг сонгуулийн хуулинд заасан дүнгээс 2 дахин үнээр өсгөж урамшуулж авна.

Утас: 98061206, 11-321204

                                                                                   Ардчилсан нам




Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.122 |   2020/10/15
хаа байна тэр шудрага ёс
Хариулах
103.111.68.3 |   2020/10/15
луйвардах тул саналаа өгөхгүй
Хариулах
202.126.89.232 |   2020/10/14
Батбаясгалан нарын мөнгө таоааман бичлэг үзлээ Сонгууль бол шоу хууран мэхлэлт юм байна Хүрэлсүхээ ингэж иргэдээ доромжилдог улс төрийн нам гэж байж болох юмуу Арай л дэндчихжээ ард түмнээ ингэж басаж шударга чөлөөт сонгууль явуулсан гэж хууран мэхэлдэг байх нээ зайлуул даа Улс төрчдийн тоглоом болжээ иргэд эх орон Тэр ярьж буй дууны ангө хэлж буй үг хэддүгээр зуун вэ Фeодалын нийгэм үү
Хариулах