“Жаст” группын захирал асан Ш.Батхүү нарын зургаан хүнд холбогдох гэм буруугийн шүүх хуралдаан өнөөдөр 12 дахь өдрөө (2020.10.21) 09.30 цагт нийслэлийн Хан-Уул дүүргийн Эрүүгийн хэргийн анхан шатны шүүхэд эхэллээ. “Эрдэнэт” үйлдвэрийг барьцаанд тавьж, Африкийн “Стандарт” банкнаас их хэмжээний зээл авсан, “Жаст групп” компаниас “Хадгаламж банк” (одоогийн Төрийн банк)-тай төлбөрийн баталгаа, банкны баталгааны гэрээ байгуулсан, “Олон овоот гоулд” -ийн зээлийн төлбөрт “Хадгаламж банк” (одоогийн Төрийн банк)-наас төлбөр гаргах, тус банкийг хохироосон зэрэг долоон төрлийн гэмт хэрэгт Ш.Батхүү нарын зургаан хүнд холбогдох эрүүгийн хэргийг Монголын шүүх долоон жил ийнхүү шүүж байгаа юм. Одоогоос жилийн өмнө ЗГХЭГ-ын дарга Л.Оюун-Эрдэнэ “Жаст” группын захирал Ш.Батхүүгийн хөрөнгийн жагсаалтыг олон нийтэд ил болэож байсан. Ингэхдээ Ш.Батхүүгийн нэр дээр байгаа болон бусдад түр гэрээгээр шилжүүлсэн ШТС-ууд, орон сууц, автомашин зэрэг 190-ээд тооны нийт 98 тэрбум төгрөгийн үл хөдлөх болон хөдлөх хөрөнгийг худалдан борлуулах замаар “Эрдэнэт” үйлдвэрт 40 сая ам.долларыг буцааж төлүүлэх боломжтой тухай өөрийн байр сууриа илэрхийлж байсан юм.
Сэтгэгдэл (0)
Сэтгэгдэл бичигдээгүй байна