2020/11/25
USD 2,811

Танигдаж амжаагүй Г.Ёндон сайд

М.Төгөлдөр
2020/10/24

У.Хүрэлсүхийн Засгийн газар нэг онцлогтой. Олон нийтэд төдийлөн танил болоогүй эрхмүүдэд салбарын удирдлагыг өгсөн. Гэхдээ өнгөрсөн хугацаанд сайд нараас сайн, муугаараа олонд танигдаж л байна.  Тэгвэл  100 хоногт иргэдэд бүү хэл салбартаа ч танигдаагүй сайд байна.   Үүний нэг нь Уул уурхай, хүнд үйлдвэрийн сайд Г.Ёндон. Уг нь манай улсын хөгжлийн тэргүүлэх салбар бол уул,уурхай.  Энэ салбарыг тойрсон хэл ам, томилгоо, наймаа, найраа улстөржилт салдаггүй.   Харин салбар сайд нь олны анхаарал татсан  асуудлуудад өнгөрсөн 100 хоногт ер чимээлсэнгүй.  Бодвол “танилцах дадлага” нь дуусаагүй байгаа бололтой.    Тус яамны цахим хуудсаар ороход өнгөрсөн хугацаанд УУХҮ-ийн сайд хэд хэдэн уулзалт л зохион байгуулжээ.  Тухайлбал, энэ сарын 1-нд  Г.Ёндон сайд  Монгол дахь Америкийн худалдааны танхимаас зохион байгуулсан “Уул уурхайн салбарын бодлого: 2020-2024” хэлэлцүүлэгт оролцож гадаад, дотоодын хөрөнгө оруулагчдын сонирхсон асуултад хариулсан байна. Оюутолгойн далд уурхайн бүтээн байгуулалт, Тавантолгойн IPO-н асуудал, хайгуулын лиценз, хөрөнгө оруулагчдын эрх ашиг болон хөрөнгө оруулалтын орчин нөхцлийг сайжруулахад байр сууриа илэрхийлсэн гэнэ. Гэвч ямар байр суурь илэрхийлсэн нь тодорхойгүй, нууцалжээ.  Мөн уул уурхайн салбарын мэргэжлийн холбоодууд төрийн бус байгууллагуудын удирдлагуудтай уулзаж,  Засгийн газрын үйл ажиллагааны 2020-2024 хөтөлбөрийг танилцуулснаас өөр тодорхой ажил, байр суурь УУХҮ-ийн сайд Г.Ёндонд одоохондоо алга.

Эх сурвалж: "Зууны мэдээ" сонин


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.113 |   2020/10/25
Сайд гэж Сарангэрэл шиг тв болгоноор худлаа инээж яриад явдаггүй юм. Зөв шүүмжил чимээгүй байхаар танигдаагүй гээд. Яамны ажил сайдын ажил үүрэг дандаа камер дагуулж аялдаггүй
Хариулах
202.126.88.203 |   2020/10/24
Хэд хэдэн мэргэжлийн гайгүй сайд нар бас байгаа л харагдаж байгаа. Энэ хүнийг мэдэхгүй юм даа
Хариулах
103.212.116.204 |   2020/10/24
Энэ чимээгүй сайд монголчууд малаар амьдарч,уурхайгаас баяжиж байна гэдэг үнэн үгэнд ямар байр суурьтай байдгийг сонсохсон.Ж-нь .Соёлын сайд өндөр цолтой ч өргөн мэдлэггүй нь тодорхой болох шиг. санал:-Яамдын сайд нар салбарынхаа бодлогыг тайлбарлан таниулсан цуврал лекц-ярилцлагыг орон даяар олон хэлбэрээр явуулбал улс орон хаашаа дэвшин хөгжиж байгааг мэдэж ухаарах соён гэгээрэх том аян болох бус уу? Бас соён гэгээрүүлэх тв-н сан хөмрөгийг ашиглаасай.
Хариулах
202.126.89.165 |   2020/10/24
Сайд гэдэг хүн хэн бэ?! гэдгээ бүрэн ойлгоогүй ядаж яваа бололтой?!
Хариулах