Бүх цаг үеийн хамгийн шилдэг зохиолоос сэдэвлэсэн "Анна Каренина" жүжгийн хаалтын тоглолт өнөөдөр болно

М.Төгөлдөр

2020/10/31

Улсын Драмын Эрдмийн Театр /УДЭТ/-ын уран бүтээлчид Оросын нэрт зохиолч Лев Толстойн “Анна Каренина” романаас сэдэвлэсэн жүжгийг 2020 оны 10 дугаар сарын 1-нээс Монголд анх удаа тайзны бүтээл болгон тавьсан. Бүтэн сарын хугацаанд тайзнаа тоглогдож байгаа сонгодог бүтээлийн хаалтын тоглолт өнөөдөр болох юм.

"Анна Каренина" роман бол дэлхий дахинаа эмэгтэйчүүдийн заавал унших ёстой сонгодог бүтээлд зайлшгүй тооцогддог. Эмэгтэй хүний эмзэг нандин чанар, хайр сэтгэлийн төлөөх тэмцэл болоод гэр бүл, хосын харилцаа, амьдралын тухай өгүүлэх энэхүү романыг жүжгийн зохиол болгон Н.Пүрэвдагва бичсэн бол найруулагчаар нь Төрийн соёрхолт Н.Наранбаатар, зураачаар МУСТА Т.Ганхуяг, хөгжмийн зохиолчоор МУСТА Ш.Өлзийбаяр нар ажилласан юм. Уг тайзны бүтээлийг бүтэн сарын хугацаанд 12 мянган хүн үзээд байгаа бөгөөд дараагийн тоглолтын товыг удахгүй зарлах ажээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ