Энэ жил 378.4 мянган тонн улаанбуудай хурааж авсан нь төлөвлөж байснаас 100 гаруй мянган тонноор дутжээ

М.Төгөлдөр
2020/11/06

Манай улсын хувьд цар тахал үргэлжилж буй энэ үед дотоодын хүнсний нөөцийг үйлдвэрлэх, базаах шаардлага зайлшгүй үүсч байгаа. Ямартаа ч бид мах, гурилтайгаа байхад хүнсний хомсдолд орохгүй тухай бүгд ярьдаг ч хүний анхдагч хэрэгцээг хангадаг хамгийн чухал салбар болох хөдөө аж ахуйн салбарын өнөөгийн байдал тийм ч хангалттай ажиллаж чадахгүй байна. Улсын төсвийг бүрдүүлдэг уул уурхайн салбар хөл хорионы үед биднээс шалтгаалахгүйгээр уналтанд орж, төсөв тасалдаж болохыг бид өнгөрөгч хугацаанд харсан бас мэдэрсэн. Тиймээс дан ганц уул уурхай гэлгүй уламжлалт эдийн засгийн хөшүүргээ хөгжүүлэх бүх талын боломжийг бүрдүүлэх хэрэгтэй байтал энэ жилийн хувьд улаанбуудайн ургацаа 100 гаруй мянган тонноор алдчихаад байна.

Манай улс газар тариалангийн хэлбэрээр ашиглаж болох 1.3 сая га газартай бөгөөд үүний 840.0 мянган га газрыг буюу 65%-ийг газар тариаланд ашиглаж байгаа гэсэн судалгаа байдаг. Өнгөрсөн оны хувьд 410.0 тн улаанбуудай хурааж авснаас 65-70 хувь нь гурил үйлдвэрлэлд, үлдсэн нь спирт рүү шилжсэн байдаг. Энэ оны хувьд улсын хэмжээнд 394.6 мянган га талбайд үр тариа, үүнээс 364.0 мянган га-д улаанбуудай тариалсан. Урьдчилсан балансаар 513.3 мянган тонн үр тариа, үүнээс 487.6 мянган тонн буудайг хураан авах боломжтой гэж тооцоолсон ч 09 дүгээр сарын 29-нөөс 10 дугаар сарын 03-ны өдрүүдэд тохиолдсон цаг агаарын гамшигт үзэгдлийн улмаас тариалангийн бүс нутгуудад нийтдээ 36.7 мянган га улаанбуудайн талбай ногоон тэжээлд шилжсэнээр улсын хэмжээгээр 346.7 мянган га үр тарианы талбай хураагдахаар болсон байна. Өнөөдрийн байдлаар 310.5 мянган га-гаас 378.4 мянган тонн улаанбуудай хурааж авсан бөгөөд төлөвлөж байснаас 100 гаруй мянган тонноор дутаж байгаа юм. Улсын жилийн нийт гурилын хэрэгцээг улаанбуудайгаар тооцоход 305.0 мянган тн шаардлагатай гэж үздэг. Гэтэл энэ жилийн намрын ургацаас гурил үйлдвэрлэлд 220.1 мянган тонн улаанбуудай хүлээн авсан байгаагаас үзэхэд гурилын дотоодын хэрэгцээг бүрэн хангаж чадах эсэх нь эргэлзээтэй байгаа юм. 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 6 цагийн өмнө
Ирэх сард ихэнх нутгаар хүйтэн байна 6 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 7 цагийн өмнө
Зам засварын ажил ирэх сарын 10-наас эхэлнэ 8 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 9 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 10 цагийн өмнө
Сурагчид өнөөдөр хичээллээд амарна 10 цагийн өмнө
Танилц: Өнөөдөр цахилгаан хязгаарлах байршлууд 10 цагийн өмнө
Ойрын хоёр хоногтоо салхитай хүйтэн байна 10 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр