Ерөнхий сайд У.Хүрэлсүхээ цагдаагийн дэд хурандаа ажлын байран дээрээ архидаж л байг уу?

Төрийн болон төрийн тусгай албан хаагчид ажлын байран дээрээ архидан согтуурсан бол өчиггүй ажлаас нь халах ЗГ-ын тогтоолыг батлаад хэрэгжүүлээд нэг жил болж байна. Гэвч энэ тогтоол Эрүүгийн цагдаагийн албанд хэрэгжихгүй, Цагдаагийн ерөнхий газрын удирдлагууд биелүүлэхгүй байгаа юм. 

Жирийн цагдаагийн албаныхан гадаа гудамжинд олон цагаар зогсч нойр, хоолгүй ажиллаж байхад зарим дарга нар ажлынхаа өрөөнд согтуурч  байдаг аж. Тодруулбал Эрүүгийн цагдаагийн албаны "Хүн худалдаалах, зохион байгуулалттай гэмт хэргийг шалгах"  хэлтсийн дарга, цагдаагийн дэд хурандаа  О.Нямдаваагийн цолыг бууруулж хошууч болгожээ. Үндэслэл нь ажлын байрандаа архи уусан гэх шалтгаанаар түүнд хариуцлага тооцсон байна. Хууль, тогтоомжийг биелүүлэх үүрэгтэй цагдаагийн удирдлагууд нь Засгийн газрын тогтоолыг сөрж, хариуцлага алдсан хурандаагийн толгойг илсэн  шийдвэр гаргасан нь  харагдаж байна. О.Нямдаваагийн цолыг бууруулаад зогсохгүй үүрэгт ажлаас нь чөлөөөлөх Засгийн газрын тогтоол хүчин төгөлдөр мөрдөгдөж буй гэдгийг сануулах нь зүйтэй.