2021/01/25
USD 2,811

ЭМЯ:Коронавирусын шинжилгээ өгөөгүй, хариугаа аваагүй иргэд хотоос гарах боломжгүй

Н.Мичидмаа
2020/12/03

Эрүүл мэндийн яам, шуурхай штабаас мэдээлэл хийж байна.
ЭМЯ-ны төрийн нарийн бичгийн дарга Я.Амаржаргал: 12 сарын 01-нд 119 программ гацсантай холбоотой орон нутаг руу буцах иргэдэд хүндрэл учирч эхэлсэн. Бид иргэдийн шинжилгээний хариуг гар утас руу нь мессежээр явуулж байгаа.Шинжилгээний хариугаа гар утсандаа баталгаажуулж, аваад цагдаагийн алба хаагчдад үзүүлж нэвтрэх юм. Гэвч программд асуудал үүссэн учраас бид сөрөг гарсан иргэдийг шууд хотоос гаргах саналыг цагдаагийн байгууллагад илэрхийлсэн. Учир нь 11 сарын 29-12 сарын 01-нд шинжилгээ өгсөн  иргэдийн шинжилгээний хариу бүгд сөрөг гарсан.Тиймээс 11 сарын 29, 30, мөн 12 дугаар сарын 01-нд шинжилгээ өгсөн иргэд хотоос гарах боломжтой. Шинжилгээний хариу нь шивигдэж дууссан. Шинжилгээний хариу аваагүй, шинжилгээ хийлгээгүй иргэд хотоос гарах боломжгүй гэдгийг албан ёсоор хэлмээр байна. Иргэд шинжилгээ өгөхдөө иргэний үнэмлэхээ зайлшгүй авч очих ёстой.