Нөхөртөө зодуулсан гэх эмэгтэй нүдний хагалгаанд орж байна

Гэр бүлийн хүчирхийлэлд удаа дараа өртөж байсан эмэгтэйн ар гэрийнхэн бидэнд хандлаа. Чингэлтэй дүүрэгт амьдрах хоёр хүүхэдтэй 33 настай эмэгтэй нь өмнө нөхөртөө хутгалуулж ЧД-ийн цагдаагийн газарт өргөдөл гаргаж байжээ. 

Гэтэл нөхөр нь цагдаагийн байгууллагад танилтай гэдэг шалтгаанаар уг хэрэг хаагдаж байсан талаар ар гэрийнхэн нь гомдоллон ярилаа. Өчигдөр 44 настай нөхөр нь гэртээ согтуу ирж, эхнэрээ зодсон гэж ар гэрийнхэн нь хэллээ. Гэр бүлийн хүчирхийлэлд өртсөн гэх эмэгтэйн   баруун нүд нь хараагүй болсон учир яг одоо Улсын төв нэгдүгээр эмнэлэгт яаралтайгаар мэс засалд орж байгаа юм байна. Тухайн хэргийн талаар эмэгтэйн долоон настай хүүхэд   “Аав ээж дээр гарчихсан цохиод байсан гэж” ар гэрийнхэнд нь хэлжээ.  Одоогийн байдлаар цагдаагийн байгууллагад дуудлага өгөөгүй байгаа аж.