Шилэн данс: Үнэгүй фитнес 8,2 сая төгрөгийн зардалтай

Биеийн тамир, Спортын улсын хорооны дарга Ц.Шаравжамц цар тахлын үед иргэдийг дасгал хөдөлгөөнөөр чийрэгжүүлэх ажлыг зохион байгуулах зардал хэмээн 8,820,000 төгрөгийн санхүүжилтийг биеийн тамирын уралдаан тэмцээний зардлаас гаргуулсан байна. Энэхүү ажлыг “Үнэгүй фитнесс” төрийн бус байгууллагатай хамтран 2020 оны 11 дүгээр сарын 17-ны өдрөөс 12 дугаар сарын 01-ны өдөр хүртэл 14 хоногийн хугацаатай онлайнаар явуулна хэмээн тооцож 5 багшийн өдрийн цалин болон хоолонд тус бүр 30.0 мянган төгрөг байхаар тооцон нийт 4,200,000 төгрөг, лайв хийхэд өдрийн 200.000 төгрөг буюу нийт 2,8 сая төгрөг, өдрийн 130.0 мянган төгрөгийн байрны түрээст 1,820,000 төгрөг төсөвлөн нийт 8,820,000 төгрөгийг үнэгүй фитнесийн зардал хэмээн тушаал гаргажээ. Бүх нийтээр цар тахалтай тэмцэж буй энэ үед иргэдэд үнэгүй фитнесийн хичээлийг онлайнаар заахад өндөр үнэтэй байрны түрээс болон үйл ажиллагааны зардлыг тусгаж өгсөн баримтыг бид ийнхүү ил болгож байна.