Сэлэнгэ аймаг: Өнөөдөр нэмэгдсэн 2 тохиолдол өсвөр насны хүүхдүүд байсан

Сэлэнгэ аймагт батлагдсан тохиолдол 2-оор нэмэгдэж 203 тохиолдол бүртгэгдээд байна. Өнөөдөр нэмэгдсэн 2 тохиолдол өсвөр насны хүүхдүүд бөгөөд Сүхбаатар суманд бүртгэгдсэн байна.

Аймгийн Онцгой комиссоос өвчлөл олноор бүртгэгдэж буй Сүхбаатар суманд "ТУСГАЙ ГОРИМД ШИЛЖҮҮЛЭХ,ТҮР ЖУРАМ" гаргажээ. Түр журам нь  2020 оны 12-р сарын 07-ны өдрийн 06 цагаас 12-р сарын 11-ний өдрийн 06 цаг хүртэлх хугацаанд хүчин төгөлдөр мөрдөгдөх юм байна. Уг журам нь  0 зогсолт хийж, хөдөлгөөнийг бүрэн хязгаарлаж байгаа биш харин төрийн болон нутгийн захиргааны байгууллага, хуулийн этгээдийн  үйл ажиллгагааг тусгай горимд шилжүүлсэн  шийдвэр юм байна.

Сэлэнгэ аймгийн Нэгдсэн эмнэлгийн ковидын тасагт 8 өвчтөн эмчлүүлж байна. Биеийн байдал хөнгөн байгаа ажээ. Ингээд Сэлэнгэ аймгийн нөхцөл байдлын мэдээллийг аймгийн Засаг дарга бөгөөд аймгийн Онцгой комиссын дарга Ш.Оргил өгснийг хүргэе.