Өчигдрийн /2020.12.11/ ЭМЯ-ны мэдээллээр Улаанбаатарт 6 тохиолдол бүртгэгдсэний 4 нь ойрын хавьтлын хүмүүсийн давтан шинжилгээнээс, 2 нь “Амгалан” гаалийн газрын ажилтнаас тандалтын шинжилгээ авахад өөрөөс нь болон хүүгээс нь коронавирус илэрсэн тухай мэдээлсэн. Амгалан гаалийн газрын ажилтан болон хүүгийн ойрын хавьтал 58, дам хавьтал 100 гаруй хүнээс шинжилгээ авахад коронавирус илрээгүй тухай мэдээллээ. Харин өнөөдөр /2020.12.12/ Нийслэлийн гаалийн газрын 150 гаруй ажилтнаас шинжилгээ авна гэдгийг ЭМЯ-наас мэдээлж байна.