Эрүүл иргэн-Эрүүл гэр бүл-Эрүүл Сэлэнгийг баталгаажуулах зорилготой Монгол Улсын Засгийн газар, УОК-ын шийдвэрийн дагуу ЭМЯ-наас 40 эмчтэй баг Сэлэнгэ аймагт 2020.12.11-12-ны хооронд ажиллалаа. Статистик мэдээллээр Сүхбаатар суманд 5825 өрх бүртгэлтэй байгаагаас шинжилгээнд хамрагдах бодит 4729 өрхийн мэдээллийг сумын ЗДТГ-аас гаргаж шинжилгээнд хамруулах ажлыг зохион байгуулав. 2020.12.12-ны 20:00 цагийн байдлаар нийт 4649 сорьц авч ХӨСҮТ-д шилжүүлэхээр битүүмжилсэн бөгөөд төлөвлөсөн ёсоор энэхүү ажил 98.3%-тай хэрэгжсэн дүн гарлаа. Шинжилгээний сорьцыг бүгдийг Улаанбаатар хотод хүргүүлж байгаа тул дүн 2-3 хоногт гарч баталгаажих юм.