Германы Айхштет хотын католик сүмийн удирдлага 400 жилийн өмнө “шулмын ан” гэж нэрлэгдсэн тэрс үзэлтнийг түүж устгах олныг хэлмэгдүүлэлт явуулж байсныхаа төлөө уучлал гуйсан тухай “The Independent” сонин мэдээлсэн байна.
Германы Бавар мужийн энэ жижиг хотод XV –аас XVIIIзууны хооронд олон зуун гэмгүй хүнд Христийн шашны католик урсгалын лам нар “муу ёрын сүнстэй нөгчсөн” гэх ял тулган аймшигтайгаар тамлан зовоож, цаазаар авч байжээ. Ийм үзэгдэл зөвхөн Германд гэлтгүй Европ даяар газар авч, дээр дурдагдсан хугацаанд 60 мянга гаруй гэмгүй хүн, түүн дотроо царайлаг эмэгтэйчүүдийг голдуу ангуучлан хороосон байдгаас 25 мянгыг нь одоогийн Германы нутагт хороосон байдаг.
Германы католик сүмийн ламтан Хартмут Хегелер гэгч нь 2011 онд “шулмын ан”-ийн золиос болсон гэмгүй хүмүүсийг цагаатгах кампанит ажлыг анх эхлүүлсэн юм. Түүнээс хойш Германы Көлн, Лайпциг гэх мэт хотын удирдлагууд “шуламтай нөгчсөн”, “хар дом хийсэн” гэх мэт ялаар хэлмэгдэн цаазлуулсан хүмүүсийг цагаатгах ажлыг эхлүүлж, тэдний дурсгалыг хүндэтгэн дурсгалын самбар хадах, гудамжны нэрийг өөрчлөх хүртэл арга хэмжээ авч эхэлсний улбаа нь энэ тохиолдол болжээ.
Католик сүм нь ийм кампанит ажлыг зүгээр ч нэг эхлээгүй, сүүлийн жилүүдэд лам нар нь бага насны хүүхдийг садар самуунд уруу татсан хэрэг нэр холбогдох, католик урсгалын нэр хүндийг маш ихээр унагасан тул түүнээ эргэн сэргээх, шүтэгчдийн эгнээгээ тэлэх зорилгоор ийм арга хэмжээ авсан гэж зарим шинжээч үзсэн байна.
Сэтгэгдэл (0)
Сэтгэгдэл бичигдээгүй байна