Бээжин хотоос COVID-19-ийн шинж тэмдэггүй тохиолдлууд илэрчээ

Сүүлийн үед корона вирусийн халдварын нэг ч тохиолдол бүртгэгдэлгүй явж ирсэн гэх Бээжин хотноос шинж тэмдэггүй COVID-19 илэрсэн тухай “Синьхуа” агентлаг мэдээлсэн байна.

Эхний тохиолдол нь Бээжингээс өөр хот руу нисэх гэж байсан 34 настай эрэгтэйн сорил эерэг гарсан. Халдвар илэрсэн атлаа ямар ч шинж тэмдэг илрэхгүй байсан энэ хүнийг нэн даруй тусгаарлаж, онцгой хяналтад оруулсан байна. Хоёр дах тохиолдол нь зоогийн газрын ажилтанд илэрсэн. 

Энэ сорил өгөхөөс өмнө 504 хүнтэй хавьталд орсон болохыг тогтоосон тул одоо тэднээс шинжилгээ аваад хариуг нь хүлээж байгаа юм байна.

Хятадын албан ёсны эх сурвалжууд сүүлийн нэлээд хэсэг хугацаанд Бээжингээс нэг ч шинэ тохиолдол илрээгүй гэж мэдээлж ирсэн байтал гэнэт ямар нэг шинж тэмдэггүй тохиолдол даруй хоёр илэрсэн явдал мэргэжилтнүүдийн анхаарлыг маш ихээр татаж байна.