АНУ-ын эрх баригчид нь 2002 онд “The Wall Street Journal” сонины сурвалжлагч Дэниэл Перлийг хулгайлан, хөнөөсөн Ахмед Омар Шейх гэгчийг суллах шийдвэрийг шүүхээс гаргасанд ихээхэн эгдүүцэн дургүйцэж байгаагаа мэдэгджээ. Энэ тухай Цагаан ордны хэвлэлийн төлөөлөг Жен Псакис хэлэхдээ “АНУ нь Пакистаны Дээд шүүхийн шийдвэрт эгдүүцэн дургүйцэж байна. Энэ шийдвэр нь газар бүхэнд, тэр дундаа Пакистанд алан хядлагын золиос болсон хүмүүсийн дурсгалыг доромжилсон хэрэг. ... Бид Пакистаны шүүхийг хууль зүйн үүдээс Шейхийг АНУ-д шүүх боломжийг яаралтай судалж үзэхийг уриалж байна” гэжээ.
Анхлан арванхоёрдугаар сарын 24-нд Пакистаны Синд мужийн Дээд шүүх алан хядагч Шейхийг нэн даруй суллах шийдвэр гаргасан ч хожим нь шийдвэрээ хүчингүй болгоод Пакистаны дээд шүүх нь алагдсан сэтгүүлчийн гэр бүлийн зүгээс алуурчныг цагаатгасныг давж заалдсан заргад ямар шийдвэрийг гаргахыг харгалзана гэж мэдэгдээд байсан юм. Гэтэл дээд шүүхийн гурван шүүгч оролцсон коллеги хуралдаад Шейхийн буруугүй гэж тооцоод нэн даруй шүүхийн танхимд суллан явуулан шийдвэр гаргасан нь ийнхүү АНУ-ын уур бухимдлыг хүргэсэн байна.
Пакистаны дээд шүүх сэтгүүлчийн аминд хүрсэн алуурчныг сулласны хариуд АНУ нь гэмт этгээдийн хэргээр эчнээ шүүх явуулан шийтгэл оноож магадгүй тухай мэдээлэл тархсан байна. Ингэсэн тохиолдолд сэтгүүлчийн аминд хүрсэн этгээдийг АНУ нь Бин Ладеныг намнасантай адилаар газар сайгүй эрж хайн “агнах” юм.
°C
Сэтгэгдэл (0)
Сэтгэгдэл бичигдээгүй байна