“SpaceX”, “Tesla” компанийн үүсгэн байгуулагч Илон Маскийн үүсгэн байгуулсан “Neuralink” компани нь бичний тархинд мэдрэлийн суулгац буюу мэдрэл удирдах чадвартай чип суулгах туршилтыг амжилттай гүйцэтгэсэн тухай “Bloomberg” мэдээлжээ. Илон Маск энэ тухай ярихдаа “Тэр одоо тархиныхаа тусламжтайгаар видео тоглоом тоглох чадвартай болсон” гэжээ. Түүнчлэн чип нь бичний арьсан доор далдлагдсан тул ямар нэг өвчин зовуурь мэдрүүлдэггүй тул бие нь сайн байгаа гэжээ. Мөн тархинд тусгай чип суулгах технологийг ийнхүү улам боловсронгуй болгох нь яваандаа тархи ба нугасны гэмтлийг арилгах замаар алдагдсан чадваруудыг эргэн сэргээдэг болохтой холбоотой гэж тайлбарласан байна.
Үүний өмнө буюу 2020 оны наймдугаар сард “Neuralink” компани нь гахайн тархинд чип суулгах хагалгааг амжилттай гүйцэтгэсэн талаар Илон Маск мэдэгдэж байсан юм. Тухайд үед чипийг ашиглан судлаачид гахайн тархины янз бүрийн төвүүдийн үйл ажиллагааг утасгүй холбоо ашиглан хянах боломжийг судалж байжээ.
Сэтгэгдэл (0)
Сэтгэгдэл бичигдээгүй байна