2021.02.04-ний өдрийн ХӨСҮТ, ЭМЯ-наас хийсэн ээлжит мэдээллээр Нийслэлийн “Амгалан” амаржих газраас хоёр хүн халдвартай болох нь тогтоогдсон тухай мэдээлсэн. “Нийгмийн эрүүл мэндийн үндэсний төв"-өөс эгзэгтэй цэгийн 234 хүнээс шинжилгээ хийхэд хоёр хүнээс илэрсэн нь “Амгалан” амаржих газрын сургалтын ажилтан болон төрсөн эмэгтэй байсан юм. Тэгвэл өчигдөр /2021.02.05/ "Амгалан" амаржих газрын удирдлагууд амаржсан эхчүүдийн ар гэрийнхэнд амаржсан эх, нярайг 18:00 цагт ирж аваарай хэмээн хэлүүлснээр ар гэрийнхэн нь тус эмнэлэгийн гадаа ирсэн байна. Гэтэл шөнийн 00:00 цагийн байдлаар ар гэрийнхэнд нь ямар нэгэн мэдээлэл өгөхгүй гадаа 5-6 цаг хүлээлгэж байгаа тухай бид сурвалжиллаа.