Өнөөдрийн /2021.02.10/ ЭМЯ-аас өгсөн мэдээллийн үеэр сэтгүүлчид хэд хэдэн асуултанд хариулт авсан юм. ХӨСҮТ-ийн шинжилгээний төхөөрөмж эвдэрсэн эсэхэд ХӨСҮТ-ийн албаны дарга Ж.Байгалмаа "Бүх зүйл хэвийн явагдаж байгаа. Төхөөрөмж эвдрээд шинжилгээний хариу удаж гарч байгаа зүйл байхгүй" гэж хариулсан юм. Өнөөдрийн батлагдсан тохиолдлууд бүгд өмнөх батлагдсан тохиолдлуудын ойрын хавьтал. Сэлэнгэ аймаг руу өөр хүний шинжилгээ ашиглаж явсан хүнтэй хамт автобуст байсан хүмүүсийг тусгаарласан. ЭМЯ энэ оны долдугаар сараас эхлэн дархлаажуулах ажлаа эхлүүлэх гээд ажиллаж байна. Хятад, ОХУ-ын вакцинууд дэлхийн олон орныг хангаж байна. Монгол Улс хандив болон тодорхой төсөв мөнгөөр вакциныг авахаар хөөцөлдөж байгаа хэмээн ЭМЯ-ны ОНХШУХ-ийн дарга Д.Нарангэрэл мэдээлсэн юм.