Монгол банкны ерөнхийлөгч Б.Лхагвасүрэн: Мөнгөний бодлогын хувьд Монгол банкнаас 2021 онд 20-25 орчим хувиар өсгөх бодлогыг баримталж байна. Өнөөдрийн байдлаар Монгол банканд 7,8 их наяд төгрөгийн нөөц байгаа. Мөнгөний бодлого болон Засгийн газраас авч хэрэгжүүлэх хөтөлбөр их ойрхон очиж байгаа. Ханшийн хувьд тогтвортой байна гэдэгт итгэж байна. Сүүлийн зургаан сарын хувьд ханш тогтвортой байсан. Цаашид харин ч эерэг үзүүлэлт харагдаж байгаа.
Төлбөрийн тэнцэл 2020 онд ашигтай гарсан. 2021 онд төгрөгийн ханш чангарах хандлагатай байгаа. Монгол улсын валютын нөөц 4.5 тэрбум долларт байна. 2021 онд 20-оос доошгүй тонн алт худалдаж авах дүр зураг харагдаж байна. Ипотекийн зээлийн зургаан хувийн хувьд арилжааны банкнаас 40 Монгол банкнаас 60 хувь нь гарахаар байгаа. Харин найман хувийн хүүтэй ипотекийн зээлийн хувьд зургаан хувь руу шилжих боломжгүй. Гэхдээ иргэд зургаан хувь руу шилжих хүсэлтэй бол зээлээ төлөөд шинээр зургаан хувь руу шилжих боломжтой. Инфляци 6 хувьтай байгаа цаашид буурч магадгүй байдалтай байна гэдгийг хэллээ.
Сэтгэгдэл (0)
Сэтгэгдэл бичигдээгүй байна