Г.Занданшатар: Тэтгэврийн зээлээ тэглүүлээгүй ахмадуудад нэг сая төгрөгийг тавдугаар сард олгоно

УИХ-ын дарга Г.Занданшатар: Монгол улсын Ерөнхийлөгчийн санал болгоод байгаа нэг сая төгрөгийг бид өгөхгүй гээд байгаа юм биш. Байхгүй зүйлийг өгөх боломжгүй байна. Өрх бүрт олгоно гэдэг сургаар өрхүүдийн тоо ч нэмэгдэж байгаа дүр зураг харагдаж байна. Халамжийн хувьд иргэдийн бүсийг чангалах гэсэндээ биш очих ёстой эзэндээ очдог байх зөв гольдролд оруулах ажлыг л бид хийх гээд байгаа юм. Экспорт бага байгаа энэ үед яагаад манай валютын нөөц 4,5 тэрбум долларт хүрсэн бэ гэхээр алт тушаалттай холбоотой. Өнөөдрийн байдлаар зээлээ тэглүүлээгүй ахмадуудад зориулсан 105 тэрбум төгрөг хуримтлагдаад байна. Тиймээс ирэх тавдугаар сарын 09-н гэхэд ахмадуудад нэг сая төгрөгийг олгохоор болоод байна гэдгийг хэллээ.