Д.Сумъяабазар: Шинжилгээний хариу 72 цагийн хүчинтэй гэдэг яриаг гаргасан жинхэнэ эзнийг ол

Нийслэлийн Засаг дарга бөгөөд Улаанбаатар хотын захирагч Д.Сумъяабазар цаг үеийн нөхцөл байдлын талаар мэдээлэл өглөө. Тэрээр "Нэг хаалга-Нэг шинжилгээ" бол өрхийн нэг иргэнээс авах шинжилгээ болохоос бус иргэн бүрээс шинжилгээ авна гэсэн үг огт биш. Миний бие ийм үүрэг даалгавар өгөөгүй. Өрхийн нэг иргэний шинжилгээг үндэслэн гэр бүлийн гишүүд дэлгүүр, эмийн сангаар үйлчлүүлэх эрхтэй. Шинжилгээний хүчинтэй хугацаа нь 72 цагийн хүчинтэй гэдэг яриаг гаргасан жинхэнэ эзнийг олж хариуцлага тооцох хэрэгтэй. Тийм зүйл огт байхгүй. Иргэдэд чирэгдэлгүй үйлчилгээ үзүүлэх хэрэгтэй байна. Иргэн бүрээс шинжилгээ авах лабораторийн хүчин чадал байхгүй. Хоёрдугаар сарын 23-ны өдрийн дотор 412 мянган өрхийг шинжилгээнд хамруулах зорилготой ажиллаж байна. Энэ мэт ойлголтын зөрүүгээс болж иргэдэд чирэгдэл учруулж байна. Үүнээс гадна автобусны тоог нэмж 210 болгох хэрэгтэй байна. Эмнэлэгийн байгууллагаар үйлчлүүлэх иргэд эмчид үзүүлэх цагаа авч автобусаар зорчино хэмээн хэллээ.