2021/02/27
USD 2,811

А.Амбасэлмаа: Иргэд гэрээр дур мэдэн эмчилгээ хийж хүндрүүлж байсан тохиолдол бий учир эмчилгээний талаар нарийн хэлэхгүй

М.Төгөлдөр
2021/02/16

Өнөөдөр /2021.02.16/ "Нэг хаалга-Нэг шинжилгээ"-ний хүрээнд ХӨСҮТ-ийн Тандалт судалгааны албаны дарга А.Амбасэлмаа сэтгүүлчдийн асуултанд хариулахдаа: 

-"Оюу-Толгой" ХХК-ийн ажилтан, Баянгол дүүргээс коронавирус илэрч, батлагдсан гэдэг мэдээлэл байхгүй. Коронавирусээр өвчлөөд эдгэрсэн иргэдээс дахин өвчилсөн тохиолдол байхгүй. Эмчилгээний хувьд хүн бүрийн биеийн байдал  харилцан адилгүй тул өөр өөр эмчилгээ хийгддэг. Эмчилгээний талаар нарийн мэдээлэл өгөх боломж байхгүй. Дархлаа дэмжих, архаг хууч өвчинтэй, өөр зовиуртай бол түүнийх нь дагуу эмчилгээ явагддаг. Өмнө нь гэрээрээ дур мэдэн эмчлэх гэж хүндрүүлсэн хэд хэдэн тохиолдол бий. Тиймээс ийм тийм эм уугаарай гэж зөвлөж болдоггүй юм. 

Өргөжүүлсэн тандалт хийхэд 8-9 тохиолдол нэмэгдэж байсан. "Нэг хаалга-Нэг шинжилгээ" нь иргэдийн хариуцлагыг нэмэгдүүлж, батлагдсан тохиолдлууд хавьтлаа хэлэхгүй нууснаас үүдэж гарч ирсэн. Өдөрт батлагдаж байгаа тохиолдлуудаас болж өнөөдрийн байдлаар эмнэлэгийн ачаалал ихэссэн зүйл байхгүй байна гэдгийг хэллээ.