Явган хүний гарцаар гарч явсан таван настай охиныг дайрч амь насыг нь хохироосон харамсалтай хэрэг өнгөрөгч оны аравдугаар сарын 05-ны өдөр гарч байсан юм.
Тодруулбал, 16:48 цагийн орчимд Хан-Уул дүүргийн 6 дугаар хороо Чингисийн өргөн чөлөө, Яармагийн эмнэлгийн хойд зам, явган хүний гарцан дээр BMW X3 маркийн автомашины жолооч Б явган зорчигч Б, О нарыг мөргөсөн юм. Ослын улмаас 9 настай, эрэгтэй О гэмтэж, 5 настай, эмэгтэй Б амь нас алдсан байдаг.
Хэдийгээр уг үйл явдлаас хойш таван сарын хугацаа өнгөрсөн ч өнөөдрийг хүртэл уг хэргийн шүүх хурал хойшилсоор байгаа юм. Өнөөдөр /2021.03.24/ Хан-Уул дүүргийн Эрүүгийн хэргийн анхан шатны шүүхэд шүүгдэгч Б-н гэм буруутай эсэхийн шүүх хурал болох байсан ч шүүгдэгч Б нь хоёр өмгөөлөгчөөсөө татгалзаж шинээр өмгөөлөгч авсан, өмгөөлөгчийн шүүх хурал давхцсан, хэргийн материалтай танилцана гэдэг шалтгаанаар шүүх хурлыг хойшлуулах хүсэлтээ өгсөн учир гэм буруугийн шүүх хурал дөрөв дэх удаагаа хойшиллоо.
Харин шүүхээс шүүгдэгч Б-г дахин шүүх хурлыг хойшлуулах хүсэлт өгвөл шүүгдэгчийг цагдан хорих, таслан сэргийлэх арга хэмжээ авах болно гэдгийг сануулсан байна.
25°C
Сэтгэгдэл (187)