Төв аймгийн Батсүмбэр сумын Эрүүл мэндийн Төвийн дарга Н.Намжилмаагийн хатуу хөл хорионы үеэр коронавирусийн шинжилгээний хариуг албан тушаалаа ашиглан хуурамчаар гаргадаг, нэргүй тамгатай хуудсыг ашиглаж Улаанбаатар хот орж нэр, регистрийн дугаарыг бичиж түргэний тэргээр зөөдөг, хугацааг өөрчилдөг, эмнэлэгийн түргэний автомашинаар танил талынхаа дэлгүүрийн барааг зөөж түүгээр ч зогсохгүй архидан согтуурсан үедээ түргэний автомашиныг дууддаг зэрэг асуудлын мөрөөр манай сайт сурвалжилсан билээ. Дээр дурдсан үйлдлүүд нь бүгд өөрийнх нь бичлэг болон баримт материалаар батлагддаг бөгөөд ЭМТ-ийн дарга Н.Намжилмаа “Миний хоолой зарим нь мөн зарим нь биш байна. Түргэний автомашин сул байсан болохоор хэдэн чихэр л ачсан шүү дээ” гэж хариулсан байдаг. Харин түүний гаргасан эдгээр ноцтой, хариуцлагагүй үйлдлүүдийг хуулийн байгууллага шалгаж эхэлсэн байна. Мөн Батсүмбэр сумын ЗДТГ-аас түүнд хариуцлага тооцохоор болжээ.
Сэтгэгдэл (0)
Сэтгэгдэл бичигдээгүй байна