Өнөөдрийн /2021.03.30/ ЭМЯ-наас өгсөн мэдээллээр 481 тохиолдол бүртгэгдсэнээс орон нутагт 77 тохиолдол бүртгэгдсэн талаар мэдээллээ. Ховд аймагт гурван тохиолдол батлагдсан байна.
Тодруулбал: Ховд аймгийн Жаргалант сумын Магсаржав багт оршин суух эхнэр, нөхөр, жолоочийн хамт гуравдугаар сарын 10-ны өдөр Улаанбаатар хотоос Ховд аймгийн Жаргалант суманд иржээ. Эдгээр батлагдсан тохиолдлууд гэртээ ирээд долоо хоног өөрсдийгөө тусгаарласан байна.
Гэр бүлийн хоёр хүний нөхөр нь аймгийн Газрын албанд ажилтай юм байна. Харин эхнэр нь гуравдугаар сарын 27-ны өдрөөс эхлэн цустай цэр гарч ханиалгаж эхэлсэн учир 29-ны өдөр БОЭТ-ийн ахмадын эмнэлэгт хандсан байна. Тэрээр өмнө нь хатгаатай байсан гэх бөгөөд эмчийн зүгээс яаралтай коронавирусийн шинжилгээ авахад эерэг гарч батлагджээ.