Ерөнхийлөгч В.Путин Монголын Ерөнхийлөгчтэй биечлэн уулзахаас татгалзжээ

М.Төгөлдөр

2021/04/02

Монгол улсын Ерөнхийлөгч Х.Баттулгыг ОХУ-д албан ёсны айлчлал хийх хүсэлт гаргасан ч татгалзсан тухай мэдээлэл ОХУ-ын хэвлэлд нийтлэгджээ. Үүнийг орчуулбал:

Монгол Улсын Ерөнхийлөгчийн тамгын газар 2020 оны 11 сараас хойш ОХУ-д албан ёсны айлчлал хийх хүсэлтийг манай гадаад хэргийн яаманд удаа дараа тавьжээ. Гадаад яамны зүгээс хүсэлтийг Ерөнхийлөгчийн тамгын газарт хүргүүлж байгаа ч тамгын газрын зүгээс тоймтой хариу өгөхгүй байгаа аж.

Хариу хүлээж цөхөрсөн Монгол Улсын Ерөнхийлөгчийн тамгын газрын дарга Ө.Шижир ЕТГ-ын дарга А.В.Вайнод айлчлалын асуудлаар албан захидал хүргүүлсэн боловч одоогоор манай талаас тодорхой хариу аваагүй аж.

Энэ талаар холбогдох эх сурвалжуудаас тодруулахад 2018 оны 12 сард хийсэн Монгол Улсын Ерөнхий сайдын албан ёсны айлчлалаар хоёр тал гол асуудлуудаа тохиролцсон учраас ОХУ-ын ерөнхийлөгч Монголын Ерөнхийлөгчтэй биечлэн уулзах шаардлагагүй гэсэн байр суурийг гадаад хэргийн сайд Лавров Монголын гадаад хэргийн сайдтай утсаар ярих үедээ илэрхийлсэн байна.

Монгол Улсад энэ оны 6 дугаар сард ерөнхийлөгчийн сонгууль болох ба одоогийн ерөнхийлөгч Баттулга Халтмаа өрсөлдөхөө зарлаад байгаа. Харин түүнийг анх дэвшүүлсэн Ардчилсан намын дарга Эрдэнэ Содномзундуй хэвлэлд өгсөн ярилцлагадаа одоогийн ерөнхийлөгч хууль шүүхийн байгууллагыг хувийн зорилгоор ашигладаг, өөрт нь болон охинд нь эрүүгийн хэрэг үүсгэн дарамталсан, мөрийн хөтөлбөрөө хэрэгжүүлээгүй гэх шалтгаанаар намаасаа дахин нэр дэвшүүлэх боломжгүй гэж зарласан. Мөн 2019 онд батлагдсан Үндсэн хуулийн өөрчлөлтөөр одоогийн ерөнхийлөгч дахин нэр дэвших эрхгүй гэсэн маргаан Үндсэн хуулийн цэц дээр нь өрнөж байгаа юм байна.

Баттулга Халтмаа нь 2017 онд ерөнхийлөгчөөр сонгогдохдоо улс төрчдийг гадаад улсад данс, компанитай байхыг хорьж, гаднаас их хэмжээний мөнгө оруулж ирэн иргэдэд тараана гэх амлалт өгөн сонгогдсон. Гэтэл өнгөрсөн оны сүүлээр түүний зүүн өмнөд Ази дахь нууц компаниудын баримт, гадныханд зарсан олон тооны ашигт малтмалын ордуудын наймаа илэрч, олны дунд шуугиан тариад байгаа аж.

Мэргэжилтнүүдийн зүгээс Халтмаа Баттулгын энэ мэт мухардмал байдал нь түүний ОХУ-д хийхээр төлөвлөсөн айлчлалын хувь заяанд нөлөөлж байгаа гэж үзэж байна.

Эх сурвалж: https://cont.ws/@konstant.pav/...

Сэтгэгдэл (253)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

193.176.211.30 | 2021/04/07

monkord hadgalamj zeeliin horshoog dampuuruulsan sanhuugiin zohitsuulah horoo hariutslaga hulee, delgermaa ceo nuugdsan baigaa