2021/05/19
USD 2,811

Даргынхаа амь насыг хөнөөгөөд зугтсан цэргүүдийг буун дуу гаргалгүй барьжээ

М.Төгөлдөр
2021/04/11

Говь-Алтай аймгийн Хилийн цэргийн 0214-р ангийн хугацаат цэргийн албан хаагчид дөрөвдүгээр сарын 8-9 нд шилжих шөнө харуулын даргаа хөнөөгөөд АКМ буутай зугтсан байдаг. 

Тодруулбал: Хилийн харуулд үүрэг гүйцэтгэж байсан Ховд аймгийн Чандмань сумын харьяат байлдагч Х, Орхон аймгийн Баян-Өндөр сумын харьяат байлдагч М нар нь 2021 оны дөрөвдүгээр сарын 08-ны 18:30 цагийн орчимд харуулын даргаар үүрэг гүйцэтгэж байсан ахлах ахлагч Г-г буудан амь насыг нь хөнөөж, зэвсэглэн харуулын байрлалаа орхин оргосон байдаг. 

Оргосон байлдагч Х, М нар нь айлын мотоцикль дээрэмдэн унан зугтаж яваа бөгөөд цагдаа, тагнуул, Хил хамгаалах байгууллагаас томилогдсон бүлэг дээрх хугацаат цэргийн алба хаагчдыг мөрөөр нь мөрдөж байсан юм.

Тэгвэл өнөөдөр /2021.04.11/ 10:00 цагийн орчимд цэргүүдийг Говь-Алтай аймгийн Алтай сумаас 50 км зайд Зөөлөн богд уулнаас буун гаргалгүй барьсан байна. Цэргүүдийн эцэг, эхийг ууланд авч гаран утсаар яриулж байгаад барьжээ. Цэргүүдийн биеийн байдал хэвийн байгаа бөгөөд өнөөдөр Улаанбаатарт авчрах юм байна. 



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна