2021/05/10
USD 2,811

Автомашиндаа төрөх гэж байсан эмэгтэйд дуудлаганд явж байсан эмч тусламж үзүүлж, хүүг эсэн мэнд эх барьж авчээ

М.Төгөлдөр
2021/04/15

Өчигдөр /2021.04.14/ орой хотын төвөөс 20 гаруй км зайтай Тахилтын эцэст дуудлагаар явж байсан Нийслэлийн Яаралтай түргэн тусламжийн дуудлагын их эмч Г.Энхцогт 3 кг жинтэй хүүг эсэн мэнд эх барьж авсан байна.  

Тодруулбал, Тахилтын эцэст нэгэн автомашин дохиогоо өгөн, гэрлээ анивчуулан тусламж хүсч зогссон байжээ. Их эмч Г.Энхцогт автомашинаасаа буун тусламж хүссэн иргэд рүү очиход жирэмсэн эмэгтэй ихэд сандарч, хүүхдийнх нь толгой цухуйн төрөлт явагдаж байсан гэнэ. Харин эмэгтэйд цаг алдалгүй яаралтай тусламж үзүүлж түргэний авто машиндаа оруулж, эсэн мэнд эх барьж авснаар 3 кг жинтэй хүү хорвоод мэндэлжээ. 

Одоогоор эх, хүүхдийн биеийн байдал сайн, харьяа дүүргийн төрөх эмнэлэгт хүргэгдсэн байна. Эрдэнэт хүний амийг аварч, авралын гараа сунгадаг эмч, эмнэлэгийн ажилчид, яаралтай түргэн тусламжийн баг хамт олонд ажил хөдөлмөрийн амжилт хүсье. 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна