Өчигдөр /2021.04.15/ олон нийтийн сүлжээнд өргөн нэвтрүүлгийн нэгэн телевизийн сугалаат нэвтрүүлгийн шууд дамжуулалтын үеэр үзэгчдийн сугалааг шидэж буй үйлдэл нь олон нийтийн дунд шүүмжлэл дагуулсан. Шууд нэвтрүүлгийн үеэр болсон уг үйлдэлтэй холбогдуулан ТВ9 телевизийн зүгээс мэдэгдэл гаргахдаа "Манай телевиз 2021 оны дөрөвдүгээр сарын 7-ны өдрөөс эхлэн Сангийн яамны тусгай зөвшөөрөл бүхий “Эгнэшгүй их” ХХК-тай эфирийн цаг түрээслэх гэрээ байгуулж, сугалааны нэвтрүүлгийг шууд дамжуулж байсан. Ингэхдээ шууд дамжуулалтын явцад тухайн компанийн алдаатай байж болзошгүй үйлдэл болсон тул гэрээгээ цуцалж байгаагаа мэдэгдэж байна" хэмээсэн бол "Эгнэшгүй их" ХХК-ийн зүгээс ""Сугалаа хаяж, шууд нэвтрүүлгээс орхигдуулсан асуудал байхгүй. Хөтлөгч ажилтанд сугалаа эвхүүлэхээр дамжуулах явцад камерт орох гээд байсан учир шидсэн гэсэн асуудал гарсан. Хөтлөгч болон телевизийн асуудлыг хариуцсан хүмүүст бид санал гомдолоо хүргүүлсэн болно" хэмээн мөн мэдэгдэл гаргасан юм.
Харин үүссэн нөхцөл байдлыг СБД-ийн цагдаагийн 1 дүгээр хэлтэс шалгаж байгаа аж.
25°C
Сэтгэгдэл (0)
Сэтгэгдэл бичигдээгүй байна