Монгол улсын Шадар сайд С.Амарсайханы төрсөн хүү А.Эрдэнэхүслэн Их Британи, Умард Ирландын нэгдсэн вант улс буюу Английн Бристолын Их Сургуульд сурах сургалтын төлбөр хэмээн 27166 ам.доллар буюу 77,423,100 /далан долоон сая дөрвөн зуун хорин гурван мянга нэг зуун/ төгрөгийн зээлийг "Боловсролын зээлийн сан"-гаас авсан талаархи мэдээлэл олон нийтийн дунд шүүмжлэл дагуулж байгаа. Тэгвэл энэ талаар Шадар сайд С.Амарсайхан "Монгол Улсын хөгжлийн тэргүүлэх 20 чиглэлээр дэлхийн шилдэг 100 их сургуульд тэнцсэн тохиолдолд Боловсролын зээлийн сангаас сургалтын төлбөрийн зээл олгодог журамтайг бүгд мэднэ. Миний хүү ч тэдний нэг учраас ичиж, эмээх шаардлага байхгүй. Энд түүний буруу гэж огт үгүй. Аав нь улс төрийн хариуцлагатай алба хашиж байгаа төрийн хүний хувьд ХҮҮГИЙНХЭЭ СУРГАЛТЫН ТӨЛБӨРИЙГ Сургалтын ТӨРИЙН САНД БУЦААН ШИЛЖҮҮЛЖ, хөтөлбөрөөс татгалзаж байна" хэмээн өөрийн цахим хуудаст нийтэлсэн.
Олон нийтийг талцуулсан, эргэлзээ төрүүлсэн уг үйлдэл нь чухамдаа Н.Алтанхуягийн Засгийн газрын үед 2013 оны Засгийн газрын 271-р тогтоолоор баталсан журамд дэлхийн шилдэг их дээд сургуулийн бакалаврийн өдрийн ангид суралцахад олгодог байсан журмыг 2020 онд Ерөнхий сайд асан У.Хүрэлсүх 70-р тогтоолоор өөрчлөлт оруулж, бакалаврын зэрэгт суралцагчийн тэтгэлэгийг хасаж зөвхөн магистр, доктор болгосон байгаа юм. Энэ нь уг тэтгэлэгт сайдын хүү шиг өдөр, шөнөгүй бэлдэж явсан олон хүүхэд, эцэг эхчүүдийн хүсэл, тэмүүллийг үгүй хийж, ижил тэгш үйлчлээгүй байна гэсэн үг юм. Өөрөөр хэлбэл журмын өөрчлөлтөөр бакалаврыг хассан ардын хүүхдүүдэд боломжгүй байсан уг зээлийг ямар журмаар сайдын хүү авсан байв гэдэг нь олны дургүйг хүргэж байгаа юм.
Хэрэв үнэхээр уг зээлийг шилдэг их сургуульд тэнцсэн шинэхэн оюутан буюу бакалаврын оюутан авч болдог бол олон арван хүүхэд уг зээлд ижил тэгш хамрагдах БОЛОМЖИЙГ НЭЭЖ ӨГӨӨЧ гэдгийг эрхэм сайд болгоох буй за.
Сэтгэгдэл (0)
Сэтгэгдэл бичигдээгүй байна