УИХ-ын гишүүн, МУ-ын гарьд Ц.Цэрэнпунцаг Бага тэнгэрийн ам дахь өөрийн байрандаа хөл хорионы энэ үед буюу өнөөдөр /2021.04.21/ 30-40 орчим хүнийг цуглуулан Төвдийн лам нараар ном айлдуулжээ. Өдрийн 12:00 цагт Төвд лам нар ном хурж эхэлсэн бөгөөд "Блүмберг" телевизийн захирал Э.Долгион, шог зураач С.Цогтбаяр нар байлцсан тухай эх сурвалж хэлж байгаа юм. Лам нар ном хурж буй уг зургийг Ц.Цэрэнпунцаг гишүүний хүү өөрийн цахим хуудаст байршуулсан юм.
УОК-оос коронавирусний халдвар авсан иргэдийн тоо өдөрт мянга давж, бүртгэгдэж байгаа учир цар тахлын эсрэг хариу арга хэмжээ авч хатуу хөл хориог дөрөвдүгээр сарын 10-ны өдрөөс эхлэн тогтоосон ч эрхэм гишүүн өөрийн бүрэн эрхээ эдэлж, тансаг амины орон сууцандаа ийнхүү лам залж, ном хуруулж сууна.
Сэтгэгдэл (0)
Сэтгэгдэл бичигдээгүй байна