Ж.Чинбүрэн: Бид уушиг шилжүүлэн суулгаж чадахгүй учир уушиг орлуулах аппаратын тоо хоёроос илүү байх шаардлагагүй

М.Төгөлдөр

2021/04/28

УИХ-ын гишүүн Ж.Чинбүрэн өнөөдрийн "Мэдээллийн урсгал" хөтөлбөрт оролцож, сэтгүүлчдийн асуултанд хариулсан юм. Тэрээр "Өнгөрсөн хугацаанд хөл хорио тогтоосон нь зөв зүйтэй арга хэмжээ байсан. Үүний нэг жишээ нь дэлхий нийтэд вакцинжуулалт эхлээгүй байсан үед хөл хорио тогтоосноор хугацаа хожих нэг том оноог авч чадсан явдал. Гэсэн ч энэ хугацаанд бид эмнэлэгийн тоног төхөөрөмж, бэлтгэл ажлыг 100 хувь хангасан гэж хэлж чадахгүй. Уушиг орлуулах аппарат улсын хэмжээнд хоёр ширхэг байна гэж шүүмжилж байна. Гэтэл үүнээс илүү хэрэггүй. Яагаад вэ? гэхээр уушиг ажиллагаагүй болсон үед нь орлуулахаас биш ковидыг эмчилдэг аппарат гэж ойлгож болохгүй. Харин үүний оронд амьсгалын аппарат хэдэн мянгаараа хэрэгтэй байгаа юм. Өнөөдрийн байдлаар 680 орчим амьсгалын аппарат байна. Манай улсад өнөөдрийн байдлаар уушиг шилжүүлэн суулгах мэс ажил явагдах боломжгүй учир яригдаад байгаа шиг энэ аппаратын ач холбогдол нэг их биш гэж ойлгож болно" хэмээсэн юм.

Сэтгэгдэл (38)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

202.9.46.2

Чинбүрэн худлаа шүү. Сэхээнд орж байгаа маш хүнд хүмүүс дандаа эхлээд хатгаа байснаа идээлээд уушиг нь ажиллагаагүй болж байгаа. Энэ ЭКМО уушиг орлуулагч аппаратанд 10-20 хоног орж байж тэр ухаангүй коомд орсон хүмүүсийн уушиг сэргэдэг байгаа. Маш хүнд хүмүүсийг аврах гол ганц арга нь энэ. Бусад улсууд энэ аппаратыг олноор захиалаад олдохгүй байгаа ч, засгийн газрууддаа эрүүл мэндийн яам нь энэ аппаратгүй ковидыг эмчлэх аргагүй, бас корона бол сүүлчийн тахал биш, амьсгалын замаар халдварлах тахал дахин дэгдэх тул бэлтгэлээ хангах үүднээс ЭКМО аппаратыг хүлээгээд ч хамаагүй худалдаж авч байгаа.