2021/05/07
USD 2,811

Зарим аймгийн Засаг дарга нар агаарын хилийг нээх асуудлыг хойшлуулахыг хүслээ

М.Төгөлдөр
2021/04/30

Монгол Улсын Шадар сайд, Улсын онцгой комиссын дарга С.Амарсайхан аймгийн Засаг дарга нартай цахим уулзалт хийж, коронавирусын цар тахлын эсрэг авч хэрэгжүүлж байгаа зарим арга хэмжээний талаар болон цаг үеийн нөхцөл байдлын бусад асуудлаар мэдээлэл солилцсон байна.

Энэ үеэр Өмнөговь, Дорнод, Дорноговь зэрэг хилийн боомт бүхий аймгийн удирдлагууд халдвар хамгааллын дэглэмийг дээд зэргээр сахиж ажиллахыг Шадар сайд анхааруулсан бол аймгийн Засаг дарга нар дотооддоо гарсан халдварын тархалтыг хумих чиглэлээр эрчимжүүлж байгаа арга хэмжээгээ үр дүнд хүргэх үүднээс агаарын хил нээх асуудлыг хойшлуулах санал хүсэлт илэрхийлэв. Мөн аймаг, орон нутгийн төсөвт тодотгол хийх асуудлыг Засгийн газрын хуралдаанаар шийдвэрлэж өгөхийг хүслээ.

Бүх нийтийн хөл хориог сунгаж, вакцинжуулалтыг эрчимжүүлж эхэлсэн энэ үед халдвар хамгааллын дэглэмийг сайтар баримтлах шаардлагатай байгааг онцлоод халдвар батлагдсан бүс нутагт нь тусгаарлан эмчлэх, шаардлагатай тохиолдолд эмнэлзүй, шуурхай хариу арга хэмжээний мэргэжлийн багууд газар дээр нь очиж ажиллах бэлтгэл ажлыг хангах чиглэлийг аймгийн Засаг дарга нарт өглөө.

Аймаг, орон нутгийн төсөвт тодотгол хийж, өмнөх оны төсвийг захиран зарцуулах ажлыг өрнүүлэх чиглэлээр Сангийн сайд болон Засгийн газартай зөвшилцөх талаар Шадар сайд мэдээллээ.

  Хаврын тариалалт эхэлж байгаатай холбогдуулан улаанбуудай, төмс, хүнсний ногооны үр, үрсэлгээ болон техник, сэлбэг, хэрэгслийн тээвэрлэлтийг саадгүй нэвтрүүлэх, тээврийн жолооч нарын шинжилгээний бичгийг үндэслэн нэвтрүүлэх, вакцинжуулалтад нэн түрүүнд хамруулах зэрэг асуудалд аймаг, орон нутгийн Засаг дарга нарыг онцгой анхаарч ажиллахыг Шадар сайд анхаарууллаа. Мөн мал төллөлт ид явагдаж байгаа учраас хөл хорио тогтоосон аймаг, сумдад өвс, тэжээл хүргэж байгаа тээврийн жолоочдыг халдвар хамгааллын дэглэм мөрдүүлэн, ариутгал халдваргүйжүүлэлтийг сайтар хийж нэвтрүүлэхийг чиглэл болгов гэж Шадар сайдын Ажлын албанаас мэдээллээ. 


Сэтгэгдэл (9)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.83.36
Хилээ нээх нь зөв вакцин хийлгэсэн хүмүүсийг оруул
Хариулах
192.82.83.36
Хилээ нээгээд вакцин 2тун хийлгэсэн хүмүүсээ оруулаад ажил амьдралаа хэвийн яьуул
Хариулах
66.181.161.6
Хилээ нээж болохгүй ш дээ гаднаас мутацад орсон вирус авчирч хэдхэн монголчуудаа бүгдийг нь өвчлүүлэх гээд байгаа юм уу.Эмнэлэг нь ачаалалаа дийлэхгүй ажиллах ажилтаны нөөцгүй болж байгааг мэдэхгүй байгаа малууд юм уу
Хариулах
59.153.114.95
Amarsaihan er ni mongolig ystgaj baij sanaani amrah geed baina amarsaihanig sobgoson toirgiin hamt olon sain bod ta narin yhamsar iiml bna ugsun mungu ni odoo ta narin amidral hurch baigaa biz dee
Хариулах
202.21.108.27
Zov sh dee hilee neehgui ni zov.dotooddoo delhiid ovchlolooroo deeguur buurahgui bhad
Хариулах
66.181.189.85
Эхлээд энэ гамшиг болсон өвчнөө дараад хилээ нээх хэрэгтэй шүү
Хариулах
192.82.82.5
Аймгийн засаг дарга нар төрөөс ирсэн мөнгийг хуваарилдаг, төсөв мөнгө дутах, мөнгө олох зовлон мэдэхгүй.
Хариулах
122.201.31.70
Манайх нээнэ гээд нээчихдэгч юм биш худлаа попроод
Хариулах
66.181.161.64
Агаарын хилээ нээж болохгүй өвчнөө дарж чадахгүй байж хилээ нээх гэж яараад бгаа юм өвчнөө бүрэн дарсны дараа хэлээ нээн биз хэл нээвэл гаднаас баахан вирустэй хүмүүс ороод ирэншдээ
Хариулах