2021/05/19
USD 2,811

Манай улс агаараас эрэн хайх, яаралтай тусламжийн хоёр нисдэг тэрэгтэй боллоо

Н.Сумъяасүрэн
2021/05/04

Монгол Улсын Засгийн газар, Бүгд Найрамдах Франц Улсын Засгийн газар хоорондын Санхүүгийн хэлэлцээрийн хүрээнд 2020-2023 онд хэрэгжиж буй “Монгол Улсын Онцгой байдлын байгууллагад агаарын аврах ажиллагааны нэгж байгуулах, нисдэг тэрэг нийлүүлэх” төслийн хүрээнд ОБЕГ-т нийт 4 нисдэг тэрэг нийлүүлэхээр болсон. Тэгвэл өчигдөр агаараас эрэн хайх, яаралтай тусламжийн зориулалттай, “EC-145” маркийн хоёр нисдэг тэргийг Замын-Үүдийн боомтоор оруулж ирээд байна.

Дээрх төслийн хүрээнд Онцгой байдлын байгууллагад агаараас эрэн хайх, аврах ажиллагааны нэгж байгуулагдаж, EC-145 маркийн 3 нисдэг тэрэг, сургалтын 1 нисдэг тэрэг болон сургалтын симулятор нийлүүлэгдэж, нисгэгч, инженер-техникийн ажилтан, аврагч нарыг бэлтгэх юм. Сүүлийн 30 жилийн хугацаанд орхигдоод байсан агаарын аврах ангийг дахин сэргээн байгуулснаар онцгой байдлын албаны үйл ажиллагаа өргөжин тэлж, эрэн хайх, аврах ажилд томоохон ахиц дэвшил болох юм.
Агаараас эрэн хайх, аврах ажиллагааны нэгжтэй холбогдолтой дүрэм, журмыг боловсруулах чиглэлээр зөвлөмж гаргах, Агаараас эрэн хайх, аврах 111 дүгээр ангийн үйл ажиллагааг эхлүүлэх бэлтгэл ажлыг хангах зорилгоор Францын Иргэний аюулгүй байдал, ослын удирдлагын ерөнхий зөвлөлийн шинжээч ноён Мишель Пьер тэргүүтэй албаны төлөөлөгчид саяхан Монгол Улсад ажилласан билээ.

Эх сурвалж: Шадар сайдын хэвлэлийн алба


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.57.94.181
Анчин дарга нартаа битгий өгөөрэй, ганц нисдэг тэрэгтэй байхад ан хийж байсан хоосон толгойтууд 4 нисдэг тэргээр том хомрого зохион байгуулж магадгүй шүү
Хариулах
66.181.191.143
Хамгийн сайн эрэл хайгуулд ашиглах төхөөрөмж бол дрон юм. Гэтэл Монгол улс дрон зохион бүтээх тухай нэгч ажиллахгүй өрөвдөлтэй.
Хариулах
66.181.180.55
үнэг чоно хөөж яваад унагачихав даа
Хариулах
202.9.46.248
bitgii shaatsgaagaad bai, ardyn namyn oruulj irsen nisdeg teregnuud, songuuliin kompanit ajild ashiglakhaar avchirsan ni ene, Frants ulsaas tatvar tulugch bid naryn munguur, covid-19-iin uyed zokhion baiguulsan khandiv, butsaltgui tuslamj, online toglolt, khuukhdiin sangiin munguur avsan 2 nisdeg tereg, unen shuu, udakhgui ilchlegdekh bno
Хариулах