Монгол Улсын Ерөнхий сайд Л.Оюун-Эрдэнэ өнөөдөр /2021.05.18/ соёлын бүтээлч үйлдвэрлэлийн салбарын төлөөлөлтэй уулзаж байна. Монгол Улсын соёлын бүтээлч салбарт 3360 орчим ААН ажиллаж бөгөөд энэ нь нийт ААН-ийн 3,4 хувийг бүрдүүлдэг аж.
Ерөнхий сайдын хувьд соёлын салбарыг эдийн засагч болгохыг мөрөөдөж буйгаа тэрбээр өмнө нь илэрхийлж байсан юм. Тухайлбал, Hu шиг хамтлагийг олон гарахын төлөө, “Галзуу хурд”-ыг Монголд хийхийн төлөө энэ салбарыг хөгжүүлэхэд онцгойлон анхаарал хандуулахаа мэдэгдсэн.
Өнөөдөр тэрбээр соёлын салбарын баялаг бүтээгчидтэй уулзах үеэрээ “Соёлын бүтээлч үйлдвэрлэлийг эдийн засгийн тэргүүлэгч салбар болгохыг зорьж байна. Энэ салбар бол уул уурхайн салбартай дүйцэхүйц хэмжээний орлого оруулах боломжтой мөн шавхагдахгүй нөөцтэй. Нөгөө талаараа хүний хөгжлийн асуудал. Төрт ёс, нүүдэлчдиийн өв соёлыг түгээн дэлгэрүүлэхтэй холбоотой учраас бүтээлч үйлдвэрлэл болгох нь чухал.
Гадаадад гарч болох соёлын бүх контентийг Засгийн газраас онцгойлон дэмжинэ. Гадаадад экспортлоход хөгжлийн банк, бусад эх үүсвэр, бонд гаргах, төсвийн дэмжлэг үзүүлэх, хамтын ажиллагаа өрнүүлэхэд нь дэмжье. Томоохон арга хэмжээ, кино хийх бол татварыг нь хөнгөлөх эрхзүйн орчныг бүрдүүлье. Соёлын бүтээлч орчныг бүрдүүлэх эрх зүйн орчин гэсэн үг. Эго байдлаа татаад, нэгнээ үгүйсгэхгүй хамтран ажиллацгаая” гэж уриаллаа.
24°C
Сэтгэгдэл (33)