2021/06/15
USD 2,811

Сэтгүүлчдийг “холбогдогч”-оор дуудсан цагдаагийн алба хаагчдад сахилгын шийтгэл оногдууллаа

Н.Сумъяасүрэн
2021/06/03

Цахиур.мн сайтын сэтгүүлч Ц.Анхзул, LiveTV.mn сайтын сэтгүүлч С.Будрагчаа нар хамтран “УИХ-ын гишүүн Ц.Анандбазарын үйлдсэн бэлгийн хүчирхийлэл” нэвтрүүлгийг бэлтгэн, нийтэлсэн. Нэвтрүүлгийн эхний дугаар цацагдсаны маргааш буюу дөрөвдүгээр сарын 26-ны өдөр ЦЕГ-ын Мөрдөн байцаах албанд хэрэг бүртгэлтийн хэрэг нээн, мөрдөн шалгаж байгаа.

Үүнтэй зэрэгцэн тавдугаар сарын 3-ны өдөр ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албанаас сэтгүүлч Ц.Анхзул, С.Будрагчаа нарт холбогдуулан зөрчлийн хэрэг нээж, “холбогдогч”-оор мэдүүлэг өгөхийг шаардсан. Уг мэдүүлгийг авахаар цагдаагийн ахлах байцаагч, цагдаагийн хошууч Э.Ганбат сэтгүүлчдийг дуудан, “холбогдогч”-ийн эрх үүрэг танилцуулан, “танилцсан гээд гарын үсэг зурчих. Тэгээд мэдүүлэг өгөхгүй гэдгээ бичгээр өгч болно” хэмээн удаа дараа шаардсан.
Цагдаагийн хошууч Э.Ганбат нь “УЕПГ-ын прокурор н.Алдархишигийн өгсөн чиглэлийн дагуу холбогчдогчоор мэдүүлэг авна” хэмээсэн учир сэтгүүлчид УЕПГ-т шаардлага хүргүүлсэн бөгөөд тус газраас “Сэтгүүлч нараас гэрчээр мэдүүлэг авах чиглэл өгөөгүй гэдгээ албан бичгээр мэдэгдсэн юм.

Тиймээс цагдаагийн хошууч Э.Ганбат нь прокурорын нэр барьж, сэтгүүлч нараас хэрэгт холбогдогчоор мэдүүлэг авахаар оролдсон үйлдлийг нь шалгуулахаар  ЦЕГ-ын Хяналт шалгалт, Дотоод аудитын хэлтэст өргөдөл гаргасныг хянан  шалгаж, хариу ирүүллээ.


Уг хяналт шалгалтаар “Нэр бүхий алба хаагчид цагдаагийн алба хаагчийн сахилга, ёс зөрчсөн байх тул дүнг тус албаны даргын дэргэдэх зөвлөлийн хуралдаанаар хэлэлцүүлэн ахлах байцаагч, цагдаагийн хошууч Э.Ганбат, хэлтсийн дарга, цагдаагийн хурандаа С.Бат-Эрдэнэ нарт Цагдаагийн албаны тухай хуулийн 81 дүгээр зүйлийн 81.4.2 дахь хэсэгт заасныг баримтлан сахилгын шийтгэл оногдуулж, шийдвэрлэсэн болно” хэмээжээ. Хэлтсийн дарга, цагдаагийн хурандаа С.Бат-Эрдэнийн тухайд өөрийн удирдан ажиллаж буй алба хаагчийнхаа ажилд хяналт тавиагүй шалтгаанаар ийнхүү шийтгэл
хүлээж байгаа аж.

Цагдаагийн албаны тухай хуулийн 81 дүгээр зүйлийн 81.4.2 дахь хэсгийг тодруулбал “81.4.2.албан тушаалын сарын үндсэн цалинг 3 сар хүртэл хугацаагаар 20 хүртэл хувиар бууруулах” хэмээн заажээ.

Эх сурвалж: Цахиур.мн


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.212.118.128
Нямбаатар гэр хороололын орон сууцны тухай ярьж барилгын сайдын ажлыг хийж явахаар цагдаа нарынхаа хууль зүйн мэдлэг боловсролыг дээшлүүлэх, ёс зүйтэй болгох талд санаа тавимаар юм даа.
Хариулах
202.179.25.201
gemt chereg buurdaggui !!!, yagaad gevel tsagdaa nar dandaa chamgaalj oorsddoo aschig avdag. Setguulchid charin ter bulaig ilruulj olon niited zarladag , bas buruutniig ilchildeg!!!
Хариулах
202.55.188.101
Хэдэн хашааны халтар бацаанууд цагдаа болно сая хүрэхгүй төгрөгний цалин авна. Тэгээд хулгайчуудыг хамгаалдаг нохой болно. Амралт энэ тэр бол яриад ч хэрэггүй. Үлгэн салган амьдралаа авч явна. Дээгүүр хулгайчидтай ойрхон нь хурандаа болно тэд нар нь хангалуун сайхан амьдрана. Иймхэн юм ойлгохгүй цагдаа нар сайн хуцдаг нохой шиг л ажилаа хийнэ. Дарга даамлынхаа өмнө гөлөг шиг сүүлээ шарвана. Энгийн ардад эр бар шиг өрөвдөлтэй ч амьтад даа.
Хариулах
2a02:2788:3f5:e304:602f:f703:7af0:df68
Ингээд л хувьдуулаад болоо юу. Ес зуйтэй улсад эдгээр ажлаа хуулиа мэдэхгуй цагдаагийн оронцогуудыг ахиж цагдаагийн байгууллагад ажиллуулахааргуй болгож хеедег. Хужаа тахал цагдаа нарыг хууль бус юманд их ч хутгалаа улс терч нар. Цагдаа нар нь ч амаа мэдэхгуй адгуус шиг их авирлалаа. Засаг солигдох цагт цагдаад шалгалт оруулж нам дагаж далдагнадаг хурандаа нарыг зайлуулж шинэчлэл хийх хэрэгтэй. Гуржид бугдийг нь солиж байж авилга буурсан гэдэг.
Хариулах
202.126.89.205
Энж цагдаа нар дандаа гэмт хэрэгтний талд ажиллах юмдоо
Хариулах