Их Британийн арми 5 тэрбум доллар худалдан авсан хуяг машинууд нь цагт 20 милээс илүү хурд авбал багийн гишүүдийн эрүүл мэндэд аюул учруулдаг ноцтой согог илэрсэн тухай “The Daily Telegraph” сонин бичсэн байна.
Энэхүү согогоос болоод “Ajax” төслийн хүрээнд асар их зардал гаргаж бүтээгдсэн хуягт машинуудыг 2020 оны гуравдугаар сараас хойш ашиглаагүй аж. Хуягт машинуудыг цагт 20 милээс илүү хурдалж эхэлмэгц багийн гишүүдийн үе мөч хавагнаж, чих нь тасралтгүй жингэнэн дуугарч эхэлдэг байж. Үүнээс болоод эдгээр хуягтуудыг багийг 1,5 цаг тутамд шинээр сольж байх шаардлагатай болжээ. Шинэ хуягтууд хурд авах үед асар хүчтэй чичиргээ үүсдэг учраас ийм байдал үүсэж байгааг тогтоосон байна. Мөн асар хүчтэй чичиргээнээс болоод хуягт машинуудыг явж байх үед буудлага хийх боломжгүй болж байж. Британийн армийн удирдлага үүнээс болоод яахаа мэдэхгүй мухардалд ороод байгаа юм байна.
“Ajax” төсөл нь 2010 оноос хэрэгжиж эхэлсэн бөгөөд төслийн дагуу зургаан төрлийн 589 хуягт машин үйлдвэрлэж 2019 оноос армид нийлүүлж эхэлсэн нь ийм согогтой байжээ.
29°C
Сэтгэгдэл (3)