Америкийн Флорид мужийн Жексонвилл хотод амьдардаг долоон настай жаал живж байгаа дүү, аавыгаа аврахын тулд 1,5 км газар сэлсэн тухай “ABC 11” суваг мэдээлсэн байна. Тавдугаар сарын 28-нд долоон настай Чейз Пуст, түүний дөрвөн настай дүү Эбигейл, аавынхаа хамт загасанд явсан байна. Тэд зангуугаа буулган завиа зогсоох үеэр Чейз, Эбигейль хоёр усанд сэлэхээр шийджээ. Гэтэл урсгал маш хүчтэй байсан тул дүү Эбигейль нь урсгалд автан холдож эхлэхэд аав нь аврахаар ус руу үсэрсэн ч мөн л хүчтэй урсгалыг дийлэлгүй хамт урсаж эхэлсэн байна. Ийнхүү аав нь дүүг нь алдахгүйг хичээн хамт урсах зуур Чейз нь эрэг рүү сэлсэн байна. Тэрээр хүчтэй урсгалыг сөрөг 1,5 км газар нэг цаг гаруй сэлж эрэгт хүрээд ойролцоох айлд хүрч аврагчдыг дууджээ. Аврагчид яаралтай ирж урсаж байсан Эбигейлийг аавынх нь хамт аварчээ.
17°C
Сэтгэгдэл (3)