Д.Энхбат: Би хөдөө сөрөг тесттэй яваад, эерэг болж ирлээ

"Зөв ХҮН электорат" эвслээс  Ерөнхийлөгчийн сонгуульд нэр дэвшиж буй Д.Энхбат эхнэрийн хамт коронавирусийн халдвар авч, хоёрдугаар төв эмнэлэгт тусгаарлагдан, эмчлүүлж байгаа билээ.

Тэрбээр эмнэлгийн цонхон дээрээс олон нийтэд хандан, мэдээлэл хийлээ.

Тэрбээр "Сурталчилгааны хугацаанд өдөрт хоёр нислэгтэй байсан учраас вакцины хоёр дахь тунгаа хойшлуулахыг эмч зөвлөсөн. Мэтгэлцээнд оролцоно. Цахимаар мэтгэлцээнийг хийх боломжтой. Дэлхийн улс төр цахимаар явагдаж байхад  бид ч гэсэн техникийн боломжийг ашиглах ёстой. Ерөнхийлөгчийн сонгуулийн сурталчилгаа эхлэхэд гурван нэр дэвшигч бүрээс PCR шинжилгээ авсан. Тухайн үед би сөрөг гарсан учраас сурталчилгаанд явахыг зөвшөөрсөн.Би хөдөө халдвар тараасан биш харин сурталчилгааны төгсгөлд халдвар авсан гэж дүгнэж байгаа.  "Би сөрөг тесттэй яваад, эерэг болж ирлээ" гэлээ.