2021 оны Ерөнхийлөгчийнх сонгууль ирэх Лхагва гарагт болно. Харин сонгуулийн сурталчилгааг санал авах өдрөөс 24 цагийн өмнө буюу санал авах өдрийн өмнөх өдрийн 00:00 цагаас өмнө зогсоох хуультай. Үүний дагуу өнөө шөнө 23.59 цагаас өмнө сонгуулийн сурталчилгааг зогсоох юм.
Энэ удаагийн Ерөнхийлөгчийн сонгуульд МАН-аас У.Хүрэлсүх, АН-аас С.Эрдэнэ, Зөв хүн электорат эвслээс нэр дэвшигч Д.Энхбат нар өрсөлдөж буй.Сурталчилгааны сүүлийн өдрүүдэд нэр дэвшигч Д.Энхбат эхнэрийн хамт коронавирусийн халдвар авсан тул сурталчилгааг цахимаар явуулах санал тус намаас гаргасныг МАН хүлээн авсан.
Өнөөдөр сурталчилгааны сүүлийн өдөр нэр дэвшигчид МҮОНРТ-ээр халз мэтгэлцэнэ. Мэтгэлцээнийг хэрхэн зохион байгуулах уу гэдэг нь одоогоор тодорхой болоогүй байна. Учир нь нэр дэвшигч Д.Энхбат эфирээс оролцох боломжгүй учраас ХҮН-ээс хэд хэдэн хүсэлтийг тавьсан байна. Тухайлбал, ХҮН-аас гурван нэр дэвшигч гурвуулаа Хоёрдугаар эмнэлгээс мэтгэлцээнд оролцъё гэсэн санал хөндснийг талууд хүлээж аваагүй байна.
Тиймээс ХҮН МҮОНРТ-ийг хоёрдугаар эмнэлгээс шууд дамжуулалт хийх нөхцөл боломжоор хангаж өгөхийг хүссэн байна. Энэ саналын дагуу МҮОНРТВ холбогдох албаныханд буюу УОК, ЭМЯ,Төрийн тусгай хамгаалалтын газар болон Улсын хоёрдугаар эмнэлэгт хүсэлт тавьж, телевизийн шууд дамжуулалтын багийг хоёрдугаар эмнэлэгт нэвтрүүлэхийг хүссэн байна. Одоогоор хариу өгөөгүй, хүлээж байгаа гэдгийг хэлж буй.
Мэтгэлцээн орой 17:30 минутаас орон даяар шууд эхэлнэ. Үүнээс өмнө дээрх хүсэлтийг холбогдох албаныхан нь шийдвэрлэх шаардлагатай болж байна.
Сэтгэгдэл (0)
Сэтгэгдэл бичигдээгүй байна