НЭМЭЛТ:
Шинэ нөхцөл байдлын улмаас мэтгэлцээн зохион байгуулах боломжгүй болсон талаар МҮОНРТ-ээс мэдээлэл хийлээ.Энэ талаар МҮОНРТ-ийн ерөнхий захирал А.Бүрэнбаатар “Зөв хүн электорат” эвслээс нэр дэвшигч Д.Энхбат Ковид-19-ын халдвар авсан талаарх мэдээлэл цацагдсан. Үүнтэй холбоотойгоор бид мэтгэлцээнийг хэрхэн зохион байгуулах гарц гаргалгааг ярьсан. МҮОНРТ бүгдэд тэгш боломж олгох үүднээс хэрхэн яаж зохион байгуулах гарц гаргалгааг хайж гурван хувилбар явуулсан. Хоёрдугаар эмнэлэг рүү явуулын станцаа аваачаад тэндээс шууд дамжуулах боломж байна уу гэдэг албан бичиг явуулсан. Харин хоёрдугаар эмнэлэг улаан бүс рүү хүн оруулах, нэр дэвшигчийг эмнэлгээс гаргах боломж байхгүй гэсэн хариу өгсөн. Тиймээс халз мэтгэлцээнийг зохион байгуулах боломжгүй болж байна. Улс төрийн хүчнүүд бүгд мэтгэлцээн явуулах хүсэлтэй байгаа. Удаа дараа бидэнд хандсан” гэлээ.
Мэтгэлцээнийг нэг хөтлөгчтэйгөөр 17.50-19.50 цаг хүртэл халз мэтгэлцүүлэхээр төлөвлөж байжээ.Түүнчлэн 60 орчим сая төгрөгийн санхүүжилт гаргаж тайз, бэлтгэл ажлыг хангасан байна.
Нэр дэвшигчдийн мэтгэлцээн цуцлагдлаа
Ерөнхийлөгчийн сонгуулийн сурталчилгааны сүүлийн өдөр буюу өнөөдөр /2021.06.07/ нэр дэвшигчид МҮОНРТ-ээр халз мэтгэлцэх байсан боловч цуцлагдсан талаар эх сурвалж мэдээллээ.
Учир нь нэр дэвшигч Д.Энхбат эфирээс оролцох боломжгүй учраас мэтгэлцээний зохион байгуулалтад намууд нэгдсэн байр сууринд хүрч чадаагүй байна.
Энэ талаар яг одоо МҮОНРТВ-ээс мэдээлэл хийж байна.
Сэтгэгдэл (0)
Сэтгэгдэл бичигдээгүй байна