Монгол Улсын зургаа дахь Ерөнхийлөгчийг сонгох төрийн сонгууль маргааш /2021.06.09/ орон даяар болно. Энэ өдөр бүх нийтийн амралтын өдөр учраас Засгийн газар Лхагва гаригийн ээлжит хуралдаанаа наашлуулж өнөөдөр /2021.06.08/ хуралдаж байна.
Хуралдаанаар танилцуулах гурван асуудал, мөн 16 асуудал хэлэлцэхээр төлөвлөжээ. Тухайлбал, коронавиусийнн халдварын нөхцөл байдал, авч хэрэгжүүлж байгаа шуурхай арга хэмжээний талаар Шадар сайд С.Амарсайхан танилцуулна.
Мөн Эрүүл мэндээ хамгаалж, эдийн засгаа сэргээх 10 их наядын цогц төлөвлөгөөний хэрэгжилтийн талаар, Улсын төсвийн хөрөнгө оруулалтаар хэрэгжиж байгаа бараа, ажил, үйлчилгээний худалдан авах ажиллагааны явцын талаар Сангийн сайд Б.Жавхлан танилцуулах юм байна.
Түүнчлэн Хүүхдийн төлөө сангийн хөрөнгийг зарцуулах, түүнд хяналт тавих тухай журмыг батлах зэрэг асуудлыг хэлэлцэж байна.
Хуралдаанаас гарсан шийдвэрийг Ерөнхий сайдын хэвлэлийн төлөөлөгчөөр Ч.Болортуяа 11:40 цагт Төрийн ёслолын Баганат танхимд мэдээлэл хийнэ.
Сэтгэгдэл (0)
Сэтгэгдэл бичигдээгүй байна