2021/06/25
USD 2,811

Техникийн салбарт Хятадтай өрсөлдөхөд 250 тэрбум доллар зарцуулах хууль батлав

Н.Сумъяасүрэн
2021/06/09

АНУ-ын зүгээс манай урд хөршийг ойрын ирээдүйд №1 өрсөлдөгч, дайсан нь болно гэж тодорхойлсон. Улмаар Хятадыг хөгжлийг сөрөх, өрсөлдөөнд ялж гарахад маш их анхаарах болсон. Энэ удаад АНУ-ын Конгрессын дээд танхим болох Сенат нь Хятадтай техникийн салбарт өрсөлдөхөд зориулж тусгайлан 250 тэрбум долларыг улсын төсвөөс гаргах хуулийг баталсан байна.  

Шинэ хуулийн дагуу НАСА, Худалдаа ба Эрчим хүчний яамдад хамгийн орчин үеийн технологийн судалгаа явуулахад зориулж мөнгө гаргаж өгөх юм байна. Үүний дотор хагас дамжуулагчийн үйлдвэрлэл дээр Хятадын компаниуд болон технологиос хамааралтай байгааг арилгахад гэхэд л 52 тэрбум доллар зарцуулахаар болсон байна.  

Одоо Сенатын баталсан хуулийг Конгрессын Төлөөлөгчийн танхимаар хэлэлцүүлж батлах юм. Мөн энэ үеэр Ерөнхийлөгч Жо Байден ийм хууль баталж байгааг дэмжсэн байна. Цагаан ордноос энэ талаар мэдэгдэл гаргаж “Энэхүү санаачилга нь бидэнд хиймэл оюун ухаанаас эхлээд ухаалаг төхөөрөмж ба цахилгаан машинд ашигладаг литийн зай хураагуур хүртэл маргаашийн өдрийн шийдвэрлэх ач холбогдолтой технологиудыг боловсронгуй болгож, шинээр бүтээх боломж олгоно” гэж мэдэгджээ.  

Мөн Байден нь “Бид ХХI зуунд ялалт байгуулах уралдаанд оролцож байна, гарааны буу хэдийн буудчихсан. Бусад улс орнууд өөрсдийн судалгаанд хөрөнгө оруулж байгаа үед бид хоцорч эрсдэлд орж болохгүй” гэжээ.

 


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.40.13
АНУ өрсөлдөнө гэж байхад.. монгол юугаар өрсөлдөх юм гээд байх юм. Уншаач эхлээд. Нөхдөө
Хариулах
202.126.90.50
Хэл ам, хэрүүлээрээ үзнэлээ өөр яахын
Хариулах
64.119.23.1
Бөх уяач дарга нартай тул барилдая. Морь уралдая л гэх байх даа.
Хариулах
64.119.23.1
Монгол яаж өрсөлдөх гэж байна?
Хариулах
192.82.73.215
Hytadiig mongolchuud barahgui baluugaaraa orsoldoh ym
Хариулах