Америкийн Калифорни мужийн нэгэн сүмийн гэлэнмаа сүмийн дэргэдэх сургуулиас 800 мянган доллар хулгайлж, мөрийтэй тоглож үрсэн хэргээ хүлээсэн тухай “NBC News” мэдээлжээ.
Мэри Маргарет Крепер гэгч 79 настай эмэгтэйг электрон аргаар мөнгө луйвардсан, мөнгө угаасан хэрэгт буруутгаж байгаа юм байна. Мэри нь Лос-Анжелес хотын нэгэн католик сургуульд 28 жил ажилласан хүн байжээ. Тэрээр сургуулийн хадгаламжийн данс, сургуульд ажилладаг гэлэнмаа нарын зардлыг төлдөг тусгай данс зэргийг хариуцан ажилладаг байж.
Прокурорын газрын мэдээлж байгаагаар Мэри сүүлийн 10 жилийн хугацаанд иргэдийн хандив, хүүхдүүдийн сургуулийн төлбөр, гэлэнмаа нарын шагнал урамшуулал гээд нийт 835 мянган долларыг завшсан байжээ. Луйврын аргаар авсан бүх мөнгөө гэлэнмаа нь мөрийтэй тоглох, кредит картын өр төлөхөд зарцуулж дуусжээ. Одоо гэлэнмаад 40 жил хорих ял оноож магадгүй байгаа юм байна.
17°C
Сэтгэгдэл (3)